探險家攻略 > 城中探秘 / 旅遊 > 特色景點 / 博物館 / 古蹟 / 廟宇 / 公園 / 其他 / 長線旅遊 > 日本。中部﹑關西﹑中國15天遊 @ 2016 冬

日本。中部﹑關西﹑中國15天遊 @ 2016 冬

由平凡人於 2016-03-13 20:00:00 發表 | 累積瀏覽 518

分類：長線旅遊特色景點博物館廟宇古蹟公園其他

攻略日期：2016-02-12

< 日本中部﹑關西﹑中國15天遊 >

到左二零一六年，唔洗等好耐二月就有旅行去啦，今次旅行目的地首選唔係日本，本來係計劃去東歐中歐個邊，不過諗諗下都係怕凍，而且又懶plan行程，去日本就唔洗花時間準備咁多，加上日本可以就到朋友一齊去，咁就去日本啦唔洗煩；成個行程可以分兩部份，頭幾日高山白川鄉係成個日本旅程既重點，最希望可以欣賞到靚雪景同嘆靚溫泉，第七日朋友就返香港lu，我見得閒就係日本留多幾日，之後好多時都係想去邊就去邊冇特別準備，四圍行下企下已經好滿足

日本中部（白川鄉﹑高山﹑金澤﹑下呂﹑奧飛驆）+日本關西（大阪﹑京都﹑宇治﹑姫路）+日本中國（岡山﹑倉敷）15天行程：
Day 1：香港 - 大阪
Day 2：大阪 - 金澤 - 富山 - 金澤。兼六園
Day 3：金澤 - 白川鄉 - 五箇山 - 白川鄉 - 高山 - 下呂
Day 4：下呂 - 高山。高山古街﹑高山陣屋 - 平湯溫泉。平湯大滝
Day 5：平湯溫泉 - 新穗高 - 高山 - 飛驆古川 - 高山
Day 6：高山。宮川朝市 - 白川鄉 - 金澤 - 大阪
Day 7：大阪。梅田﹑心齋橋
Day 8：大阪 - 高松。玉藻公園 - 岡山。岡山城﹑後樂園 - 倉敷 - 大阪
Day 9：大阪 - 姫路。姫路城 - 岡山。西大寺 - 大阪
Day 10：大阪 - 京都。伏見稲荷大社 - 宇治。平等院﹑上神社 - 大阪。臨空城﹑心齋橋
Day 11：大阪 - 京都。北野天滿宮﹑金閣寺﹑銀閣寺﹑平安神宮﹑祗園 - 大阪
Day 12：大阪。大阪城﹑四天王寺﹑天王寺動物園﹑通天閣﹑聖瑪麗亞號﹑天保山摩天輪﹑心齋橋﹑SPA住之江
Day 13：大阪。歴史博物館﹑今昔館﹑HEP FIVE摩天輪﹑科學館﹑黑門市場﹑藍天大廈展望台﹑浪速之湯
Day 14：大阪。梅田
Day 15：大阪 - 香港
   金澤住宿：Good Neighbors Hostel
   下呂住宿：小川屋酒店
   平湯住宿：山之湯穗高莊
   高山住宿：Country Hotel Takayama
   大阪住宿：Ark Hostel

~ 旅程簡介 ~

12-02-2016

第一天

旅程第一日由香港坐飛機去大阪，飛機夜晚九點幾起飛，第一日就係飛機上渡過，去到大阪已經係第二日零晨時間

第二天

夜晚係關西機埸渡過，等到五點幾有火車就出發去金澤，經過幾個鐘車程大約十點去到金澤啦



先去Hostel放低行李，再坐北陸新幹線

去到富山冇咩做，食個拉麵就返金澤

金澤天氣唔好落大雨，我對美術既野冇咩興趣，去到好出名既「二十一世紀美術館」都冇入去參觀



二十一世紀美術館旁邊係日本三名園之一「兼六園」，今晚有點燈活動而且仲免費入埸，一定要黎睇睇



第三天

一早就出發去白川鄉，今日白川鄉都叫做有雪睇，不過雪唔多而且仲落住雨，風景還算可以啦



係白川鄉行一陣就轉去另一個睇合掌屋既地方「五箇山」，呢道既雪比白川鄉靚好多，人都小好多



係五箇山行一陣就再返去白川鄉



旁晚坐車經高山去到今晚住既地方下呂溫泉



第四天

一早就由下呂溫泉離開



去到高山行「高山古街」

參觀「高山陣屋」

下午坐車去位於雪山之中既「平湯溫泉」

夜晚平湯大滝有點燈活動，仲有煙花同表演睇



第五天

上到新穗高雪山睇風景，可惜上到去天氣差咩都見唔到...

旁晚經高山去到飛驆古川，呢道人影都唔多個



第六天

朝早去到日本三大朝市之一「宮川朝市」，越行越大雪



雪中高山古街



再次返到白川鄉，今次白川鄉落大雪比之前靚好多



夜晚返到大阪

第七天

今日係大阪冇特別行程，係梅田心齋橋四圍行行



夜晚陪朋友去到關西機場，佢要返香港lu，而我會自己一個係日本留多幾日

第八天

一早坐車經岡山去到位於四國既高松，今次係我第一次去到四國地方

參觀高松站旁邊既「玉藻公園」

返到岡山坐路面電車

黑色既岡山城



岡山城旁邊就係日本三名園之一「後樂園」

旁晚去到倉敷美觀地區



第九天

朝早有時間就去Pokemon Centre行行



夠鐘就去坐呢部車啦，佢係EVA特別列車

去到姫路觀姫路城，今日天氣好差行行下落大雨淋到濕晒



夜晚經岡上去到西大寺，參觀一年一次日本三大奇節之一既「西大寺會陽裸身節」

二月得幾度咋，見到都覺得凍



呢道仲有好多小攡檔，好熱鬧

第十天

今日去到京都伏見稲荷大社



之後去宇治，參觀平等院



仲參觀宇治其他地方



夜晚去到關西機場旁邊既Rinku Premium Outlet

又再去到心齋橋



第十一天

今日都係去京都，係北野天滿宮見到好多好靚既梅花



金閣寺



再去銀閣寺，不過都唔係銀色既？

平安神宮



祗園八坂神社



清水寺



第十二日

朝早去到大阪城



四天王寺



天王寺動物園



上通天閣睇風景



坐聖瑪麗亞號遊船河



天保山摩天輪



去到道頓堀遊船河



最後去到SPA住之江浸溫泉

第十三天

今日繼續係大阪漫遊，第一站去到大阪歴史博物館



之後去到大阪今昔館



返到梅田坐呢個紅色摩天輪



坐完摩天輪返左去Hostel放低野，再去左大阪科學館，但呢個科學館實在太無聊，好快就出返黎...之後無無聊聊去左黑門市場行行



旁晚去到藍天大廈展望台睇大阪風景



夜晚去左心齋橋買野，再趕去浪速之湯浸溫泉

第十四天

終於去到留係日本既最後一日，今日全日都係梅田行下買下野，冇去邊道玩啦



等到夜晚就坐飛機返香港lu

第十五天
今次日本旅行完結啦，零晨時份返到香港，係機埸等左好耐先拎到行李，等到我搭唔到最後一班返屋企既巴士要出旺角轉車，四點先返到屋企

好耐都未試過去咁多日旅行啦，頭半個旅程白川鄉昇龍道部份因為有朋友一齊所以計劃得完善啲，後半個關西旅程得我自己一個，有時候都冇咩點plan，諗到去邊就去邊，有時候去觀光案內所睇到邊道想去就去，更加試過突然落車玩，行程會Hea好多同無聊好多；去左咁多日除左最後大阪個三日悶啲之外其他日子都覺得好好玩，不過旅程亦都有後悔既地方，100000個後悔最後幾日冇去到東京，好想好想好想好想好想去東京迪士尼睇魔雪奇緣，而家後悔已經太遲啦，唉...

~ 待續 ~

鐘意SeeWide的分享，給我們一個Like吧！