成為探險家 探險家登入
探險家攻略  >  雙囍鍋：雙重樂趣由此囍
0

7 雙囍鍋：雙重樂趣由此囍

由 山區麵包王 於 2016-03-13 00:00:00 發表  |  累積瀏覽 1205

分類：

是次消費：每人平均約HK$ 195.00

上次嚟到荔枝角廠廈內美食廣場嘅Pati by Lassana食晏，見依度晚市有個乜乜乜火鍋加蒸氣鍋任食，你知啦，依家出面有唔少蒸氣鍋，但間間都食海鮮、火鍋靚料，咁身邊總有啲朋友喺想慳慳哋，$138咁嘅價錢喺咪好有吸引力呢？是夜，就約咗啲美孚街坊好友嚟試，初時嚟到「雙囍鍋」門口（即喺美食廣場嘅門口），真喺睇佢唔出有做晚市架，因為門口「黑掹掹」，好似閂晒門咁。
門口個易拉架標明星期一至四任飲任食2.5小時都喺$138 + 10%，9:00pm後仲只收$128 + 10%；而星期五至日及公眾假期，都只喺貴少少，收$148 + 10%，9:00pm後則收$138 + 10%。
由於個場都嚟過，所以，大概都知喺點，雖然喺美食廣場，但勝在地方幾闊落，環境乾淨企理。4人枱佔多數，配梳化椅，廣場尾邊位亦設有幾張大圓枱，適合6、8、12人，故此，人多人少嚟都無問題。
枱上有兩張落單紙，灰色嗰張喺任食火鍋，而另一張紅色喺散叫，眼見嚟嘅絕大部份客都喺選前者。而任食火鍋方面，2-5位揀一個雙囍鍋，6位以上就揀兩個，何謂「雙囍鍋」？上文都提過，就喺蒸氣鍋加火鍋，蒸氣鍋鍋底則有6款，而火鍋湯底有5款，如想食得刺激啲，可加錢升級為麻辣雞煲、水煮牛肉煲……等等。
任食火鍋（灰色）
散叫火鍋（紅色）
有咩食就唔多講，睇睇點菜紙及相片就一目了然，不過，要補充幾句，就喺大部份食物可晌出面食物區自由取用，小弟就幾鍾意依類形式，要多要少隨己意，又可以睇過先拎，唔使成日追依樣追嗰樣。試過一次最勞氣，填嘅嘢食數量一樣，乜丸物丸就一大盤，啲肥牛、鮮魷就好似限量配給咁！
另外一類如肉類、脆肉鯇就要剔點菜紙，一份份咁上，都嚟得幾齊，無甩漏。整體你見唔會有咩好貴價嘅食材，但勝在選擇唔少，百零蚊唔做洗，唔使切，食完走得，都好划算啦。
bowl飲品
此外，飲品反而有啲驚喜，雖然啤酒欠奉，反正小弟唔好酒，但選擇喺比出面大部份嘅任飲火鍋多，仲要喺韓國嘅樂天系及本土嘅道地系，當然仲有例牌嘅幾款汽水啦！
小弟前前後後都試咗幾款新嘢，道地嘅黑糖薑茶，黑糖味唔喺好強，但夠晒薑；樂天嘅蘆薈飲品幾好喎，而另一款Cider有啲似忌廉。
另一邊廂仲有啲熱菜蜜，好讓唔飲得汽水、凍飲嘅客人。所以，依樣就啱晒我老婆喇。
bowl手拍青瓜
落單後等個鍋要一段時間，通常啲鍋嚟到，又要滾一段時間，所以，最好有啲嘢咬吓。晌醬料區側，有啲手拍青瓜，做得夠爽脆喎，又帶點辣！
bowl碗仔翅、春卷、咖喱角
個鍋仲未滾起，口痕食多半碗仔碗仔翅，足料味道又唔差。友人拎咗啲春卷及咖喱角，預埋我一份，當然又俾面試吓，唔太油，夠脆口，都收貨啦。不過，既然店家喺做京川滬料理，就不如多三幾款京川滬小食，有多少少賣點，好過啲炸春卷及咖喱角啦！
bowl皮蛋芫荽湯底、明目圓肉杞子味蒸汽鍋底
湯底到，雙囍鍋就喺一邊邊爐鍋，一邊蒸汽鍋，但老實講，蒸汽鍋又唔會有好強烈嘅氣味，但不妨滔少少當湯飲，味道不俗。雖然我哋無淥粉麵，但相信以圓肉杞子蒸汽鍋做湯底應該幾有特色，而打完邊爐個湯底淥粉麵，好味就好味喇，但比較濁同燥。反而，更想試吓加啲米落蒸汽鍋煮成粥，效果唔知會唔會更加特別啲！
bowl火鍋食材
我哋食足兩個半鐘，實在食咗唔少嘢，小弟就唔慢慢逐樣寫，可以睇相了解吓我哋食咗乜，當中特別嘅，或好食嘅，就多寫幾段同大家分享吓！整體嚟講，質素唔錯，雖然無咩貴價食材及海鮮料，但以百零蚊任飲任食嘅價錢，又可以打邊爐，又可以食蒸鍋，其實好划算。
今晚，我哋都試咗用好多食材以蒸汽鍋處理，務求食得原汁原味，好似啲肥牛、羊肉片、脆肉鯇、九肚魚、本地滑牛……等等，蒸出嚟感到鮮味啲，肉味重啲。
啲阿姐算幾醒目，不時為我哋加湯，而加湯真喺加「上湯」，唔喺斟啲水了事，誠意十足。
除咗以上見到嘅火鍋料之外，仲有啲額外付費嘅「蒸」選推介，包括黑松露小籠包、愛爾蘭蟶子、越南野生虎蝦、大連半殼扇貝及阿根廷刀貝蜆，全部均一價$10隻，實在抵試，我哋就試咗其中3樣：蟶子、虎蝦及扇貝。
等咗好耐，卒之出場，一大盤擺好晒咁多樣嘢，非常有睇頭。3樣海鮮尺寸都頗巨型，絕無欺場！
bowl愛爾蘭蟶子 $10 / 隻
好期待嘅蟶子，店長建議蒸1.5分鐘就喺最好，不過說是遲那時快，轉眼兩分鐘，哈哈，我哋蒸過籠添，入口有啲韌；不過，較大問題喺入口有沙，已反映咗俾店長知，佢哋話養足水，所以，我覺得要轉轉啲來貨供應。
bowl越南野生虎蝦 $10 / 隻
賣$10隻真喺好抵食，幾大隻，幾有睇頭。蒸兩、三分鐘見佢轉晒色就差不多，入口好爽，而且頗鮮甜。
bowl大連半殼扇貝 $10 / 隻
貝類我哋就蒸熟少少，以防萬一，估唔到質素唔錯，一樣爽口又鮮味。不過，可以晌個牌仔度加上建議蒸煮參考時間，唔使啲客下下問店員，同埋，有啲店員又未必清楚。
bowl雀巢雪糕、雪條
打完邊爐有啲雪糕、雪條食都唔錯吖，可以涼快吓吖嘛，又唔喺幾百蚊嘅自助餐，唔使下下名牌嘅，我哋細細個年代都喺食雀巢、雪山、甄沾記大。不過，兩者都只得朱古力味，有多幾隻味就梗喺好啲啦！此外，打邊爐比較燥，貪心啲如果加插啲中式滋潤糖水，如雪耳木瓜，就可能成為加分位喇。
依個年代，鋪租貴、人工貴、食材貴，唔使洗，又唔使切，更唔使收拾，百零蚊任飲任食，食材質素唔差嘅話，你仲想點？成日聽到啲人投訴依間嘢貴，嗰間啲嘢唔抵食，自己返去煮好過，老實講，咁有「煮」見，真喺應該返屋企煮而唔好再出街食囉！

個人評分
味道：7/10
環境：6/10
服務：7/10
抵食：9/10
平均每人消費：HK$195

餐廳資料：
雙囍鍋
荔枝角青山道688號嘉名工廠大廈地舖
2393 0888


=============================================

感謝 山區麵包王 提供以上資料

山區麵包王的網誌: http://garycwm.blogspot.hk/


=============================================

鐘意SeeWide的分享，給我們一個Like吧！
  • 攻略日期：N/A
    攻略地點：N/A
  • 攻略時間：N/A
    是次消費：每人平均約HK$ 195.00
雙囍鍋

雙囍鍋

地區：
消費：
$195
分類：
7
共有1篇攻略
6284
「吞pot雞煲。住家菜」

「吞pot雞煲。住家菜」

地區：
消費：
分類：
undefined
8
共有4篇攻略
5551
潮福蒸氣火鍋(深水埗店)

潮福蒸氣火鍋(深水埗店)

地區：
消費：
分類：
undefined
8
共有1篇攻略
5571
澳門台山水佬榮火鍋專家

澳門台山水佬榮火鍋專家

地區：
消費：
$290
分類：
undefined
7
共有1篇攻略
3176
鍋心 Dimsum & Hotpot Specialists

鍋心 Dimsum & Hotpot Specialists

地區：
消費：
分類：
undefined
8
共有1篇攻略
3775
美滋鍋

美滋鍋

地區：
消費：
分類：
undefined
8.7
共有3篇攻略
3712
同人鍋

同人鍋

地區：
消費：
分類：
undefined
7
共有1篇攻略
3014
Italian Tomato Café (馬鞍山店)

Italian Tomato Café (馬鞍山店)

地區：
消費：
$1-$100
分類：
餐廳
5767
共0人比"掂"

最多能輸入300字

山區麵包王
三星探險家
簡介：工作關係，間中要在大陸山區跑呀跑，周圍走走趯趯（音...

累積瀏覽 1191496

全部攻略 1025

全部回應 146

首頁   探險家攻略   香港好去處   探險家排行榜   新手指南   聯絡我們

©2012-2024 SeeWide.com 「All Rights Reserved 版權所有，不得轉載」

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜 致力打造 香港好去處、活動 指南，聚集全港探險家，一同搜羅及分享精彩的 玩樂、消閒、香港好去處 等情報，務求讓大家能看多一點、闊一點！