Hello !
上回講到 (今次呢篇係特別篇 , 唔駛上回講到喇)
自從在 釧路 呢邊試過鯨魚肉之後 , 好多Blog友都甚感興趣 ,
一於就寫番篇叫做 鯨魚肉 既特別篇啦 , 首先申報利益 ,
我對鯨魚肉冇乜特別喜好或強烈反感 , 只不過當日在入鄉隨俗既氣氛下 ,
姑且一試 , 下次再去日本既魚市場即使有 , 亦多數唔會翻單 .
上篇網誌既 勝手丼 , 最深色呢塊就係傳說中既 鯨魚肉 .
おいしい ! くじら(鯨) 1枚 150Yen .
輪到講味道 , 入口第一個感覺係 ~ 好韌 , 好似食香口膠咁 ,
我相信大部份魚既刺身味道都在佢之上 , 所以即使未試過 ,
亦都唔需要覺得可惜 , 正式係 : 食之無味 , 棄之可惜 .
(150Yen一枚 , 梗係唔捨得棄啦 , 幾難食都要哽埋佢呀 , haha ... )
另外講開捕鯨 , 曾經瀏覽過D網頁 , 話日本人捕鯨 & 劏鯨好殘忍 ,
睇完以後永遠都唔會食鯨魚 , 其實殘忍又豈止劏鯨魚 ,
劏乜野都殘忍架啦 , 只不過係睇到與睇唔到既分別唶 .
若然因為殘忍而叫人唔好食鯨魚 , 又對其他魚類唔多公平喎 ,
佢地可能會話 : 鯨魚就有人出黎抗議 , 我地俾人擺上檯做刺身 ,
就個個都話好味 , 夠晒鮮甜 , 唔通我地抵死D ?
之但係叫晒全球人類素食 , 又似乎冇乜可能 ,
呢個世界充滿無奈 , 多一件唔多 , 小一件唔小 .
所以鯨魚肉呢樣野 , 我只係覺得唔好食 , 所以唔食 .
講住咁多先 , 一陣仲有一篇 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
