好耐冇整粘土啦,等我整D金元寶黎玩下先。
大家一定會問我,都過咗年咯,你仲整乜鬼元寶呢?
咁人地最近買咗D金箔返黎,想做實驗嘛,咪拎D三億五千萬年前整落既金元寶黎試下咯。
原來真係可以整到架! 比用金油,真係靚好多。
但用金箔包住D粘土粒,實在有D難度。
如果話整個玫瑰蛋糕難度係10既話,咁包一盆金元寶,難度就係100啦!
我地要先做咗個粘土膽,等佢乾透。
再用金箔膠水,塗勻粘土表面。
然後貼上金箔。
最難既係D金箔係好輕飄飄既,呼吸大力D都會吹走。
而且亦相當粘手。
整好呢幾粒,再用銀箔包一個小紙兜,用來盛載金元寶。
再用超簿保鮮紙把它包起來。
咪睇少呢盆東東,足足做咗我全日,冇錯,最少八個鐘,冇花冇假!
咁我都知係因為我對金箔認識不夠,先會搞咁耐。唔知有冇高人可以指點一下,等我可以做得快D呢?
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================