3月25日星期五
期待已久嘅復活節假期 , 一連四天由今日起正式開始喇 , 今日係第一日 , 當然要同我啲好朋友一齊慶祝啦 , 媽媽一早約咗"哈比家 "一齊行大棠 , 好彩今日天公造美 , 如常出發...............二點半响大棠停車塲集合...............大家都準時到達 , 去相 ~!!
泊好車...............出發喇~!!!!!!!!
行到嚟分段口 , 坐低食吓零食 , 順便影返張大合照留念
左起上面係大哥哥"哈比" , 黑色係細佬"德德" , 坐我隔離係妹妹"卡卡"
食完美味嘅風乾三文魚零食 , 跟住哈比媽出發 lu
咁多個朋友仔 , 性格最同我相似 , 一定非"卡卡"莫屬
只要有嘢食 , 卡卡一定坐定定比你影相相
呢個植物好特別 , 影低留念~!!
我哋由土地廟行去大欖涌水塘
行畢全程 , 緊係同媽媽影返張相留念
估唔到有紅葉睇
來回行咗三個幾鐘頭 , 天都開始黑
係時候攞車返屋企 lu , 今日全程自己行 , 唔駛媽媽抱 , 連哈比媽都讚我叻叻呢 , 祝大家復活節快樂呀~!!!!!!!!
============================================
感謝 圓咕碌 提供以上資料
圓咕碌的網誌: http://yuenkolok.blogspot.hk/
============================================