8 何須尋覓

車媽媽很喜歡吃米線尤記得20多年前在荃灣享和街的一間過橋米線此家湯頭清香,米線爽彈,餸料新鮮尤以他秘製的雜醬好味得簡直無可挑剔,可惜自從那店主叔叔過身後便再無吃過那種風味了,尋尋覓覓都未吃到間可替代!!

這天跟車爸爸剪髮後已是晚上九時多可幸身處旺角不難揾食,我很想食米線但又不想捱{三哥},行經這間景霖正宗四川麻辣米線既然有緣遇上就吃它吧!!

地方不算大但靠牆兩面係座位坐得頗舒適^0^ 

除了米線亦有小食供應我哋選了{蒙古芝麻雞翼}及{麻辣豬肉串}~

而米線就點了{過橋米線套餐}~ 

一見有{大話7}便想飲可惜冇貨唯有退而求其次要{鹹檸7}啦~ 

{鹹檸7}$12最緊要夠凍,好難唔好飲嘅haha~ 

前{麻辣豬肉串}$19/兩串,豬肉淋而不霉帶少許刺激的麻辣醬頗好吃如果辣度再重多點會更加吸引,{蒙古芝麻雞翼}$19/3隻,其實即係孜然雞翼醃得夠味道雞肉頗滑,但有點美中不足係雞皮未夠香脆還有進步空間呀!!

{過橋米線套餐}小辣$48內容有牛肉,豬肉,腩肉,雞肉,豬膶魚蛋,黑木耳,冬菰,火腿,豆卜酸菜及炸醬等好鬼豐富啊~湯底微辣帶麻味道不俗,餸料都正常好吃但最驚喜反而係米線,質地爽彈可口吃得我倆愜意非常呢^0^