同朋友慶生緊係要同佢食啲好野，
而且佢鍾情於法國菜，真係唔貴唔食a_a
不過難得佢生日我就奉陪到底喇～
黎到依間叫Otto Restaurant既餐廳食飯，
一踏入門口，已經覺得自己升左幾級XD





餐廳環境好有氣氛，燈光幽暗而透住黃光，令人有種浪漫情調既感覺，
唯獨欠缺左幾分音樂，如果有得話就更加好～

精選晚餐既價錢大約$400至$550左右，主菜有豬、羊、牛、魚、意大利飯等可選擇，
價錢相對黎講偏貴，不過成個套餐都好豐富，難得朋友生日緊係唔可以掃興～

精選生蠔，先黎一隻新鮮生蠔，肉質好肥厚，而且個SIZE都好大，
味道鮮嫩得黎，有好濃郁既海水味，食得好過癮

法式龍蝦湯，頭一次飲到有真龍蝦既龍蝦湯！龍蝦既SIZE岩岩好放得入個碗，
肉質唔算太多但勝在爽彈，湯身偏稠，而個味道充滿左龍蝦既鮮香，夠味又足料

龍蝦海鮮酥盒，酥皮夠香脆，一啲都唔油膩，
另以龍蝦加醬汁做餡，鮮味開胃，唯獨酥皮底部較難切開，所以扣左少少分

青檸雪葩，主要係用黎清新下個味蕾，酸甜既雪葩旁邊有青蘋果碎粒，
豐富左個口感，味道更加清新，食完就輪到主菜出場～


用餐前，店員出示左一套餐刀比我地揀，用途當然係用黎食主菜喇，
每把看似一樣，但其實係有齒輪同冇齒輪既分別，我食紅肉當然就揀把有齒輪既餐刀

澳洲頂級牛柳配法國鵝肝，既然係慶生，大家都唔貴唔食XD
賣相無比吸引，鵝肝同牛柳形成左完美既比例，而肉質係岩岩好既五成熟，
鵝肝味道無比既正，外層微微既煎香感，內裡則軟稔，而且一啲油份都冇，
而鵝肝本身既味道都好香濃，簡直每啖都係精華所在

另外會配左一個看似雪糕既薯蓉同燒汁，薯蓉有層黃芥末醬做調味，
口感軟滑，份量唔會過多，味道唔錯

牛柳外層睇落似7成熟，但事實上裡面仍然係充滿粉紅既肉質，脂肪比例均勻，
口感厚嫩，牛味香濃軟韌，每啖入口都香郁無比，係一種極致既享受呢～

最後副甜品環節，因為就到復活節，所以甜品都見有兔仔既蹤影
外形係活潑可愛既粉紅色，甜絲絲既棉花糖令人充滿快樂～

整體黎謧，環境雖然偏細，但裝橫依然得體有格調，服務方面好周到，勤換餐碟之外，
每個菜式都會介紹番其特別之處，食物當然係相當滿意，每樣都好出眾，主菜更加令人驚喜，
依間法國餐廳仲曾經攞獎，係值得一去既餐廳選擇！

============================================

感謝 chickenandpp 提供以上資料

chickenandpp的網誌: http://www.openrice.com/zh/gourmet/reviews.htm?userid=51033932&city=hongkong

============================================