相距黃翠如五年前來過古巴，洪永城再次來去到這個社會主義的國家。上回
看過交通﹑匯率﹑物價和住宿比較, 今次跟古巴人走入民生對比五年前，又會係點呢？古巴與美國關係得到改善，外人以為會有好大轉變，其實進程沒有想像中快，但不可避免也見証到原有文化正被消失中。
壞車
五年前，翠如包車一日遊，坐上古董車無耐就遇到死火。當地人因為沒有入口零件，所以個個都識修車。最搞笑係翠如扮性感尤物陪司機整車。
五年後，Tony請求司機多次先可以自駕遊。同樣地，開左無耐就死火。車主仲話情況好普遍，所以鏡頭影住司機兩三下手勢就修理完畢。
雪糕文化
五年前，翠如帶大家認識古巴人的至愛，雪糕。一個人買五﹑六杯，甚至會桶裝外賣。走在路邊，見到有間好似臨時建的雪糕店，極為簡陋。而一杯新地筒 HK$2.5,就有交易。同時睇到古巴人的排隊文化極為盛行。
五年後，Tony帶大家見識可能係全宇宙最大的雪糕公園。有室內和室外坐位，就連食雲呢拿定士多啤梨口味都要分兩條隊排。雪糕就用碟上，十足香蕉船。Tony叫到一枱都係雪糕和 pancake先10蚊港紙。至於點解咁多人排隊，Tony就覺得因為當地人工作係唔可以要求快，所以令人龍愈來愈長。
上網
五年前，要在古巴上網是一件好困難的事。而翠如就試過收得 Wi-Fi最好的地方居然係醫院入邊。所以夜間活動就只可以係民宿睇電視，但估唔到居然係70 年代的卡通片《義犬報恩》
五年後，Tony隨時都可以用手機上網酒店，又唔駛專登打電話比唐詩詠就知道有幾方便啦！其實去年開始，當地已經有好多地方鋪設左 Wi-Fi熱點，全國都有成70 個，之後陸續有黎。
============================================
感謝 旅神 提供以上資料
旅神的網誌: http://www.lushentravelmaster.blogspot.hk/
============================================
