是次消費：每人平均約HK$ 110.00
眨吓眼就到2013年最後一日喇
今日姐姐同妹妹都各有街去
咁我就陪媽咪食飯啦...
一早叫媽咪唔好煮,出街食
反正我揍住個囡,都唔去得邊架啦
今日好多公司都有得收早
難得我地都有喎..不過係5點...
早一個鐘,點都好過無啦
收工返到去媽咪到,接埋悠悠都六點幾
老公過去商場搵位食飯
一間要等位,仲要每人最底消費250,包括小朋友..
另一間,三人一小,限定最少叫兩個除夕餐,每個餐都係二百幾,
但一個餐只係for一人喎..
仲係要等位添....
其實到咗依啲日子,
我真係唔太甘心比人襯機加價,當你水魚既
所以我都試過情人節同老公去廟街食煲仔飯,哼!!!
好味又刻骨銘心!!
媽咪提意去椰林閣食,
都好,過去睇吓..
無所謂既除夕餐,無座地起價,唔洗等位,GO!!
一個餐加38蚊有個沙律,
幾好味,好多芝士係面,好香口
老公既豬扒,好薄吓喎...同埋有小小粗鞋,麻麻地
媽咪既燒春雞,一睇就知唔係燒春雞啦
係魯水雞,再入爐焗一焗啫
不過都幾好味,唔會太鞋啦
跟住到我既牛扒喇...
個樣幾得,塊扒都好厚
不過可惜,佢地應該係用梳打粉去"拿"過,所以去淋
個種淋真係浪費左件扒
埋單三百幾蚊,好鬼底
佢仲有餐湯,麵包同飲品既,
其實一分錢一分貨啦,
佢品質唔算好好,但佢係值依個價錢呢..
係除夕夜,可以一家人開開心心食一餐,都好唔錯呢~~~
走個時出面已經好多人等位了,
好彩早咗一步尼呢...
