4月3日(星期日)~老闆近排有返行山癮..都好既!
起碼做下運動~出身汗..血液循環+keep住細胞活躍
有日佢同我講..話以前我有寫行山post~叫我搵返d路
我話Yblog摺左..無keep去Blogspot~佢話由頭再行過
然後再寫返blog~我話..唔係呀ma?! 不過算佢啦!
原來鐘意睇我寫blog既~咁同佢講..盡量呢
因為近年..唔想再放太多時間寫blog
* * * * * * * * * *
雖然講定去行山~但要等我瞓夠精神先出得發(唔想趕)
依早瞓到差不多10點自然醒~攪掂..出去食早餐
因為我鐘意望海景~所以老闆搵左"大灘 > 海下"
車程好花時間~地鐵荃灣 > 鑽石山 > 巴士96R(大灘站落)
單程連等車共2小時~96R坐左1hr..仲要遇上巴士腳
坐我地後面果個女仔~暈車浪..見佢個樣都青白晒
下層又有乘客嘔(巴士佬手車真係唔掂)~13:10落車開始行(GO)
沿村路入去行山徑
需時3hrs都準確~不過尾段我地參觀營地..時間再長d
我鐘意長滿青苔既大樹~有"阿凡達"feel
老闆話搵依段路~有講係行石路+泥地
但無預計..之後既崎嶇石路會咁多~差不多大段
指示牌好清晰~行山人士都唔少
但山徑唔闊..都要邊行邊互讓
沿海而行..風景唔錯
中途都遇到~好多組別既露營隊伍行返大灘
沙灘位置最多~都係露營完畢..準備回程
老闆去睇下d水靚唔靚喎
繼續沿海邊上路
好多依d石路~落斜要輕輕借力
依段路..勾起當年行既麥徑第4段
山頂風景好靚好好風
灣仔 & 海下..我地上"灣仔"睇營地~之後回程向"海下"上山
行返段平石路~腳板底突然好舒服(哈哈)
先去洗手間 > 西營地 > 南營地+碼頭 > 海下灣
除左露營..都有人野餐
南營地..近碼頭~地方無咁大但幾多人
左邊2個大營好pro(對比右邊果個)
視察完營地~行返回程路..向"海下"上山
再去碼頭休息一陣
終點在望..距離唔太遠! 有屋既地方就係士多位置
幾間士多..都有獨木舟/沖身/locker/浮潛用品租借
16:40去到小巴站~"大灘 > 海下"..3h30m完成
不過小巴20分鐘先有一班~尾班車好似7點
唔知等到幾時~老闆話不如行出去
除左有禁區紙許可証車輛~可以行駛外
沿途無其他交通工具~最快由"海下"步行"高塘"(北潭路)
我開GPS預計步行時間~先Set"北潭涌巴士總站"嚇老闆
佢問我要行幾耐~我話2 hrs..嚇到佢即刻面都青埋(哈哈)
之後set北潭路最近"高塘"途經巴士..步行約55 mins
因為都晏..好多人唔等小巴~沿途急步行出去
行多一個鐘..依日都行左4h30m~真係超勁攰!
好在..剛出到大路~有巴士經過返西貢(狂奔追巴士)
原本諗住去西貢再行下~順便撞下小奧+baby笠
咁岩埃及之友(M先生)whatsapp老闆話行完山係小巴站
老闆落車就去小巴站會合M先生~我話搵左baby笠先
睇下係邊..驚佢地等我地出黎~點知2個電話都唔通
M先生排頭位..原來特登等埋我地先坐車出彩虹
老闆攰啦! 同佢講搵唔到baby笠~佢又無話同我四圍行
等唔到小奧覆電話..已經有小巴~咁上車走lu
M先生返屋企食飯~我地去黃大仙冬菇亭食埋先返屋企呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================