八爪魚般KLAIRS 保濕自然遮瑕膏

其實我本身天生麗質，比較少做遮瑕((打飛

OK, 收返，其實係懶...

但忙到爆完燈之後發現個黑眼圈勁左幾個級=口=

本身既遮瑕膏係兩隻色溝黎溝去既類型，雖然可以調較完美色，但普通一、兩下已經唔夠遮我個黑眼圈啦>.<"要下下調岩色先上眼都幾煩...

所以決定一試PR送黎既呢款遮瑕膏，賣點係會自然同膚色溶合，通常聽到呢到我就88架啦XD

你估枝遮瑕膏係八爪魚咩? 識變色咁勁，但海綿頭，一拎即用，偏液狀既遮瑕膏我又真係無，呢次就試下你啦!

試係手上，印開居然同手背完全溶合，質地帶霧面，有平滑肌膚既效果。

但因為我手背既膚色比面深，有D擔心上到面會太深色>.<

即刻試下先。

素顏直接上遮瑕膏，印開成個眼周，居然又真係岩色喎@口@

堅係好似八爪魚咁自動調色，好神奇!!!

仲有輕微修飾細紋、平滑肌膚既效果，感覺亦好夠水潤度。

鼻翼位置好輕鬆，唇邊亦無問題，到底點解可以自動match到個色既呢...

痘印都遮得到，不過記得遮完要落返少少碎粉定妝。

我之後再試過腳背、男友黑眼圈、白雪雪女仔朋友，居然真係可以Match到佢地，係同一枝啊，點解既?

驚訝完正正經經化返個妝再做返個遮瑕等大家睇睇妝效，黑眼圈同印印得都Cover得好好，但因為自動調色既關係，唔可以變淺一度去平滑返我個眼袋，但整體效果我係好滿意既，平日出門，簡單遮下黑眼圈都好夠啦，真係需要完美妝容先自己拎淺一度既遮瑕做眼袋啦。

Close up眼仔俾大家望下，眼底唔覺乾。

我無特別去遮我眼底個兩粒墨，但遮黑眼圈時印到少少都淺色左。

眼蓋位我都有用遮瑕膏遮左先上眼影，眼影色更分明，眼妝更乾淨。

適合任何性質、任何膚色既皮膚，唔知點揀遮瑕膏既朋友不妨一試。