藍X白+夏日專屬配搭+懶人時尚靈魂單品

韓國品牌BLUE RABBIT x TWIST自家鞋履品牌JOLIE SORELLA 春夏系列2016

今次揀左呢對藍色印花帆布Slip-on，我本身得152cm，矮小既身型不宜放入太多圖案，會令個人更加矮>.<所以我淨色衫係比較多既，但唔想成個人太素既話，揀鞋就可以加返多D明亮清爽既顏色啦：）

今次BLUE RABBIT x JOLIE SORELLA既春夏系列2016就岩哂我口味啦!

BLUE RABBIT係黎自韓國既一隻俾魔術帽蓋住大耳朵和頭既兔仔，而JOLIE SORELLA就係TWIST主打年輕女士既自家鞋履品牌，現代風格到前衛新穎的各種潮流產品都有，顏色搭配緊貼時尚潮流得黎又易襯百搭。

今次聯乘系列，獨特既「+」圖案，是Mira特別為TWIST既合作項目而設計架。

買鞋仲送個布袋添，用黎放鞋仔我驚整污糟，拎左黎放文件XD

鞋型都幾修長，睇落已經充滿少女味，但連個鞋底都好靚囉，咩事先>////<

軟墊位踩落軟身得黎又有承托力，行得耐都唔怕鞋痛，仲有可愛既Logo，望到都開心。

著上腳岩岩好，唔會太闊身，唔係望落好鈍架。

鞋底有2-3cm厚度，一來行得舒服D，二來又可以偷偷拉返高個人XD

最鐘意係佢網紋同膠底相隔，好有層次感，又唔會一個Logo放係鞋踭，感覺唔老土。

撞正落雨都無問題，黎個假日悠閒風既穿搭：）

主色調選定藍天白雲既藍X白，很易Handle的顏色，像我這樣的穿搭初心者也絕對不會失手。

簡單配上一件淨色Top，以暗直條紋加添質感，即時無咁單調。

如果天氣再熱D，可以襯返件小背心，露出纖細既手臂，加添清涼感。

寬鬆既吊帶褲舒適感十足，而且可以遮掩到普遍亞洲女生困擾既下半身肥胖問題，成為左近期既Hot item。

揀左幼身既吊帶帶出可愛又俏皮既感覺XD

著吊帶褲既小Tips係「絕對要露出腳踝」，隨興把褲管摺上幾摺就好有時尚感了，而且仲令整體穿搭更有層次，拉長身型。

配上一對Slip-on，簡直係完美：）

落雨要帶遮，所以今次少有地咩背囊，平時襯個小包包都好好睇架。

新入手既耳環，好有韓味呀。

襯上同色Tone、色繽紛得黎唔覺太低B既Slip-on，成件事即刻好有亮點。

Slip-on 鞋型較窄，穿搭短褲、九分褲、長裙、短裙都很適用。

仲可以配搭唔同既襪款，打造千變萬化既穿搭層次，真係超級好襯既懶人時尚靈魂單品。

新Slip-on落雨出街都完全唔跣腳，著起黎好安心，穿脫方便又更好易襯，呢個夏天跟我四圍去既仲唔係你?

BLUE RABBIT x JOLIE SORELLA 春夏系列2016

TWIST現正有售