2010年澳門一日美食遊

今個月頭因為金光飛船公司做特價優惠，即日來回澳門船票只須$100蚊，所以同老婆去了一轉，我們相隔幾年無去了年無去了，事關澳門物價上升了很多，我們早上九點幾去到買到十點鐘的船票，回程就十點鐘.

大概一小時船程就到達澳門了，隻船都幾穩定，落船後我們先搭威尼斯專車去酒店參觀一下及影相

酒店裡面佈置得幾靚，影相係唔錯的，之後行過去氹仔舊區，大概15分鐘路程

這裡係龍環葡韻住宅式博物館，我們順路經過的

跟住我們就到喜蓮餐室食午飯，好彩係閒日，所以較容易等到位，我們點了牛尾湯通、咖哩吞拿魚包、炸雲吞、奶茶紅豆，埋單$79蚊

牛尾湯通:牛尾湯超特濃的，好味

咖哩吞拿魚包:個包好脆脆，脆得黎唔會似石頭咁硬，咖哩吞拿魚都好香濃，係個餡少了d.......

炸雲吞:我覺得焦點不在個餡，而是個雲吞皮，又薄又脆，最喜歡那種味道

奶茶紅豆:超級超級普通的，成杯都係紅豆冰的味道，奶茶完全被蓋過晒

單據

食飽後再去官也街買手信，順道在莫義記買了碗原味大菜糕，不過價錢成$10蚊咁貴，幾年前都不是這價錢......

不過推出很多新口味的選擇

過下口癮，之後搭公巴去市區遊覽

我們次次到澳門都一定去瑪嘉烈買葡撻食的

睇下d蛋幾咁厚，加上熱辣辣出爐，很美味呢

跟住我們去了民政總署，小弟都係第一次入裡面參觀咋，平時就經過得多

雖然裡面無乜野睇，但都佈置得很有聖誕氣氛的，之後繼續市中遊及四圍影下建築物

行下影下就到達頤德行(李康記)，這間店係賣豆腐花的，我們點了豆腐花及豆漿，埋單$15蚊.

豆腐花:豆味很濃，但絕對唔係滑，我啊媽整得好過她！哈哈哈

豆漿:ok啦

跟住我們向大三巴進發，需然去過很多次，但今次想特別影下相，因為之前都好少在澳門影相

行完大三巴後就行返落市區

我們行下又搵下，終於找到呢間雪糕店喇

不過價錢都唔平的

味道的選擇都唔少，不過最出名的檸檬味已賣晒.....，我只好買了杯三球的，味道分別係蕃石榴、仙桃芒果、士多啤梨藍莓

仙桃芒果:這味道很普通，芒果味很少

士多啤梨藍莓:似士多啤梨雪芭，酸酸地很開胃，好味

蕃石榴:呢個味我覺得最正的，味道濃得黎又很清，正啊

之後就去了福隆新街那邊買野

就係檸檬大王喇，我勁鐘意食架，之後再去下一站

就係最香餅家喇，他們的杏仁餅真係超好味的，我覺得好味過X記的！嘻嘻

我們繼續行下行下就到了六記麵家，今晚的晚餐選擇在這裡，但亦係非常後悔的決定，我們點了蟹粥(細)、雲吞麵、蝦籽撈麵、埋單好似大概$100蚊.

因為我們早到了，所以還未有客人

蟹粥:蟹雖然較細隻，但非常實、肉質鮮甜，不過個粥底就弱些，以前食開誠昌的，但近來聽好多人話麻麻地，所以試試這間

雲吞麵:雲吞賣相差都算喇，點知連d麵都咁差，完全無彈性，一點都唔似係竹昇麵，還要黐實晒，同幾年前比，真係差天共地啊

蝦籽撈麵:麵質差已知道，但蝦籽都唔香既，車品品的蝦籽好過他們幾倍啊，我們決定不會再黎幫襯

食飽後就搭公車到市中心，影下四周的夜景

然後去了永利睇音樂噴泉及許願樹

呢個噴泉真係值得一睇的

呢個許願樹就很一般，好彩時間預得好，唔洗等十分鐘就有得睇，睇完後就坐酒店免費車到碼頭，然後行去漁人碼頭影下相，反正時間多及未去過

不過晚上的漁人碼頭無乜野睇的，之後行返去金沙賭場搭酒店車到氹仔碼頭回港.

永利音樂噴泉


永利許願樹

感謝 Dusty 提供以上內容
Dusty 的個人網誌 : www.dusty1118.mysinablog.com/