好當家

在深圳行到下午6點幾就出發去好當家食晚飯，我們點了小糊塗仙(38度白酒)、土茯苓煲老龜、湛江白切雞、 生啫稻香蛙、沙薑芫茜撈爽肚、明爐燒鵝(例)、美極鴨下巴、美極雞中寶、秘製茶皇骨、清蒸多寶魚、豉油皇魷桶仔、炸普寧豆腐、蒜蓉蒸絲瓜、鹽水菜心，埋 單$828蚊.

前菜小食:炸花生

前菜小食:鹹酸菜

小糊塗仙(38度白酒):我果三個朋友點的，其中一個話好酸喎，另外兩個就話好香，都唔知邊個係真的？

土茯苓煲老龜:碗湯真係好好飲，煲到材料出晒味

生啫稻香蛙:味道及各方面都ok，起碼d肉唔會好老

湛江白切雞:肉質某部位有點韌，雞味偏淡，有點失望

蒜蓉蒸絲瓜:絲瓜食得出好甜，蒜蓉夠晒多，正啊

鹽水菜心:d菜心灼得唔夠耐，感覺生左d，同埋好多油......

美極鴨下巴:鴨下巴味道就好正，但外面部份炸得太干了，裡面就好得多

美極雞中寶:雞中寶即係雞軟骨，又係老婆的最愛，咬落咯咯聲

秘製茶皇骨:這個賣相就普通，但食落就知係好野，排骨炸得很好，有肉汁又入味，有淡淡的茶香，唔錯唔錯

沙薑芫茜撈爽肚:這個肚真係好爽的，口感一流

清蒸多寶魚:香港的多寶魚真係唔多好食，但內地的就唔同，無泥味、又新鮮，肉質一梭梭夾出黎，蒸的時間把握得好好，無浪費左條魚，話晒成百幾蚊的

豉油皇魷桶仔:魷桶仔都唔錯，咬落還很嫩

明爐燒鵝(例):非常失色的燒鵝，一定係下午賣唔晒的貨，因為肉質都干晒，皮又唔脆

炸普寧豆腐:我好欣賞呢個豆腐的煮法，真係夠晒大膽，又無特別的醬汁點，只是一碟似鹽水的汁體，豆腐炸過後，外層薄薄的一層衣非常非常之脆，然後就會感覺到d豆味不段沖擊著口腔，唔怪得普寧的豆係咁出名啦，我一個人都食了四塊啊.

生果盤:西瓜又甜又多汁

綠豆沙:裡面的綠豆少得可憐，味道當然係好淡啦......

 感謝 Dusty 提供以上內容
Dusty 的個人網誌 : www.dusty1118.mysinablog.com/