愛 可以從來!!

美心快餐以往給我印象很一般,絕不能談得上"愛"它,母親節的當天約咗車婆婆,公公吃Lunch,為咗避開淨係做一天乖仔.女的人潮車婆婆提議去荃灣廣場的MX吃一餐簡單的母親節午餐,我媽媽從來也貼心得很^0^

MX的裝修格局較一般美心有心思環境打造得不像快餐店,而且供應不少私隱度高的卡座呢^0^

看到檯面的宣傳牌連甜品也出埋,還主打我喜歡的芒果喎!!不過見鄰桌的小姐吃那香芒雪糕刨冰剩下了2/3我即時縮沙呢!!

但係飲品又幾吸引我和車公公喎!就叫飲品啦。

MX可用八達通在自助販賣的電腦內購買食物,省卻不少排隊時間呢。

買好票後取得食物閃光燈,待充它閃爍時便可到櫃檯取食物喇!!

車公公剛吃了早餐不久唔使預佢食,那叫了兩份餐三人分吃吧!!{MX去骨海南雞飯}$50*要了雞脾另+$8*,套餐有雞湯,柚子汁椰菜絲,油飯一碗及三色醬,看樣子十分對版不知味道是否一樣對版呢?

先嚐雞皮皮下脂肪不重吃下滑捋捋,雞肉熟度恰好質感夠嫩滑,當然也不要求雞味濃郁啦!但整體係合格有餘啊~伴碟的柚子汁椰菜絲好好味清爽芳香,不禁令我想起{勝博殿}的任吃胡麻醬椰菜絲^0^

油飯香味不算香濃油潤但也軟熟不爛收貨有餘,雞湯喝到有肉味同"師傅"味囉!!

另一份係港式快餐代表{芝士焗豬扒飯}$39*+$6有熱奶茶一杯*,豬扒飯焗得挺香口酸甜味道適中,豬扒夠淋身又有口咬算不俗,炒飯爽身不淋爛表現唔錯!!

車爸爸的奶茶算有茶味可以過關啦~

左係車公公的{鮮果香芒汁}$22,偷試了一口,芒果味算香濃不會太甜而且勁大杯可以一試啊,右係我的{香芒雪糕梳打}$22,味道跟香芒汁沒兩樣但多了球芒果雪糕吸睛度飆升不少喔!!吃罷這餐後頓感原來"愛"真的可以從來啊!!