當Yoho Mall啟用後, 開設了不少中高價格的食店, 連帶附近獨立經營的小店都粉飾一番後, upgrade自己, 晚餐閒閒地都百幾二百元。
近日商場附近新開了一間平民車仔麵檔, 一碗三餸麵都不過是三十餘元, 庶民美食蠻吸引地區街坊。 尤其當區內曾是首屈一指的"永年"裝修過後, 味道不復當年惹味出眾, 加上長期要排隊, 光顧元朗區的車仔麵真的少之又少。
![]()
星期六中午就試試這家“食神車仔麵”。 開飯時間, 等了5分鐘才有位。 食店是街坊裝潢的格局, 不算大, 可容納約二十多人。
![]()
先選麵款: 基本必備的粗幼麵, 米粉, 河粉和油麵都有供應, 款款由$10起。 不過是我太耐沒光顧車仔麵? 還是物價飈升得太高? 從前麵食轉出前一丁只不過加上$2, 但今時今日竟要多付$4! 真是一丁難求。
![]()
車仔麵的配料挺多選擇, 三十多款由每款$7到$12。多人喜愛點上的蘿蔔, 豬皮和魚蛋少不了, 特別的如牛坑腩, 金錢肚, 南乳豬手亦是食店的推介。汁底有麻辣, 香辣, 滷汁, 牛腩汁和清湯, 特色醬汁選擇較一般車仔麵檔略多一點。
![]()
而我的車仔麵選擇了:米粉, 瑞士雞翼, 滷水蛋和蝦卷再加滷汁($34)。
![]()
先嚐一口車仔麵的靈魂 - 湯底, 雖然加入了滷汁, 但味道比預期的清淡, 亦稍稍偏鹹了一點, 而且湯汁偏多, 顯得配料和麵食較空洞。
![]()
米粉爽口度較一般, 不過不失, 以份量多取勝。
![]()
店方推介的瑞士雞翼煮得入味, 不過雞翼大小較為參差, 相片中的雞翼是較為瘦弱, 如控制好質量會更好。
![]()
滷水蛋是我個人喜愛的其中一種配料, 食店的滷水蛋不算太深色, 未算太入味, 不過咬開蛋味頗香。
![]()
![]()
在我腦海中的蝦卷就等如"南記"春卷的味道, 不過此蝦卷較為成品, 蝦味一般, 未能令人留下印象。
![]()
![]()
另一碗車仔麵選了: 油麵, 牛坑腩, 咖喱魷魚和芝士炸彈, 再加腩汁($42)。
湯底加入了腩汁, 混合了配料中咖喱魷魚的咖喱汁, 顯得較為惹味。
![]()
油麵微有咬口, 不過浸耐一點就變腍。
![]()
牛坑腩炆得入味腍軟, 肉味頗濃郁, 帶少許脂肪, 有咬口又不韌, 果然是食店推介。
![]()
咖喱魷魚的咖喱味挺入味, 香而帶微辣, 魷魚口感彈牙, 推介。
![]()
芝士炸彈其實是炸過的芝士丸, 平時已愛吃芝士丸, 炸過的更帶一份香口, 很不錯。
![]()
![]()
加上$9就有杯凍檸七, 四片檸檬和一大杯冰塊, 價錢算是便宜了吧!
![]()
配料質素稱得上是合格, 不過湯汁仍有進步空間, 最後以價錢實惠取勝。最重要是離家不遠, 不過食店晚上8時就會打烊, 如果想作為晚餐就要趁早一點了。
============================================
感謝JannieWong 提供以上資料
JannieWong的網誌: http://janjancat.blogspot.hk/
============================================
