8 任飲任食 ♥ 烤肉 ♥ 海鮮 ♥ 刺身【日式放題】尚鮮日式燒肉漁市場

儍爸話好耐冇食日式放題

咁啱之前見雜誌和網友介紹過這間新開的尚鮮日式燒肉漁市場

刺身、烤海鮮和烤肉 ...  120 分鐘任食任飲，一定啱儍爸口味

 

座位不太迫，我們坐的梳化座舒服又寬落

原來這兒仲有獨立房間，裡面是好有日式風的塌塌米枱

一坐下，正在諗住點咩的時候，就來了一隻刺身船和烤肉拼盤

啱哂我呢 D 有選擇困難症的人 ... 比我每款食物試下先，之後再 encore 想食的 ...

刺身船有三文魚、北寄貝、甜蝦、帶子、八爪魚、希靈魚、榮螺

每款刺身都好新鮮，又不會切到細細件薄薄的

好似我至愛的帶子肥大厚肉，鮮甜美味

還有儍爸和兩隻小魔怪至愛的希靈魚刺身，味道酸酸甜甜，口感爽脆，很開胃呢

好豐富的烤肉拼盤，一次過試到雞、牛、豬 ... 連魚餅都有

平時燒烤好少食魚餅，原來烤魚餅都幾好食喎

雞翼已經切成單骨，燒起來較易掌握，除了冇咁易燒燶，亦方便食用

這兒的肉類，很多都無預先調味

就算有都是上枱前在肉上加少少醬汁，不是預先醃製的

這點就啱哂我喇 !!! 

無預先調味的肉類，一上枱就看得出肉的質素 ... 

枱面也有海鹽、黑椒、燒汁比你自己調味

我鍾意烤好後，點少少醬汁用菜包著食，咁就可以食到新鮮食材的鮮味

海鮮都有好多選擇，虎蝦、青口、魷魚仔 ...

全部都好想食，但要留肚試其它，只點了原隻帆立貝

帆立貝真是好大隻，個烤爐放了這 4 隻帆立貝都無位燒其它食物

採用電子餐牌，用平板電腦睇啱一點就落單，好方便

我們再點的刺身，雖然無了隻刺身船，但依然咁鮮甜美味

日式小食 ... 味付螺肉、味付海蜇、帶子裙邊

愛香口食物的我們又點可以唔試炸物 ... 炸蟹鉗、炸蠔  

還有我們強烈推介的榴槤炸彈和一粒米

外層脆卜卜裡面流心的榴槤蓉，真是食過番噚味

一粒米即是炸香蕉，外形又幾似一粒巨型的米

這兒真是好啱我們的胃口 ... 又有我們全家都咁鍾意的燒菠蘿 ~~ 

飲品都是任飲的 ~~ 

有罐裝汽水，也有盒裝綠茶 ... 

最後，當然要食埋甜品至完滿的 ...

120 分鐘 任飲任食刺身、烤肉、海鮮的日式放題

星期一至四 HK$268/位；星期五六日 HK$298/位；小童 HK$168 (另收加一服務費)

食物質素、環境和服務都不錯，回本度非常高，下次要和朋友仔再 encore 

尚鮮日式燒肉漁市場

香港 銅鑼灣 謝斐道 496 號 金利文廣場 3 樓

** 以上分享是以我的口味、喜好和情況作出分享和感受，一試 / 合用與否請自行決定