我的第一個母親節 8 MAY 2016
淳淳既來臨真係豐富左我既生命，亦令我多左時間留在家中，學習當一位媽媽不容易，當媽媽沒有書本可以教你如何當，只有你自己去探索，將自己媽媽（即婆婆）對我既愛同照顧，一一活現套於我對淳淳既愛上面，然而我覺得自己唔算係一個合格的媽媽，還是有非常大進步空間，自從懷孕開始已經學會將很多事情看輕，小事可以不用如此執著。打從淳淳出世後我都開始佩服自己的ＥＱ（呢一點可能老公唔覺，因為我可能對住老公就無ＥＱ，哈！）因為有淳淳要學習更冷靜，不要方寸大亂，希望食人奶對淳淳身體較好易長肉，我決定放棄睡眠、身型（本身都肥架喇，呢加未開始減）唔理得咪咪變型，為左個仔有奶食坐月時可以勁泵湯水落肚，再不停泵奶，擔心個仔成長健康，有無訓好覺，有無唔舒服等等。。。不過我已經對自己好好，我學識放手地對工人姐姐去做，我亦好幸運暫時請左位好幫到手又鍚淳淳既姐姐，大前提我係非常非常包容工人姐姐，哈哈！反正唔好執著～對自己對人都係好事。
![]()
亦因為做左媽媽，先知黃媽媽真係十分十分偉大，厲害，一個人照顧我地四兄弟姐妹，我奶奶都係，我都好佩服！真係唔容易，呢一代人，好幸福，有好多人幫我，我已經唔算好辛苦，我自己知道，成日聽佢地講想當年點一個人照顧四個小朋友，以前既母親真係更偉大，我相信我就是被她們寵壞，所以變得沒有她們堅強，咁有毅力，小女實在是佩服佩服。但我無因為咁樣唔點到佢地暈。。。。哈哈哈哈！因為我媽真係太幫到手，佢又好鍾意幫我（我媽唔會唔理我既，哈！）而奶奶就有湯俾我飲同埋唔使成日黎就已經好幫到我手，今次真係覺得奶奶好配合，乖乖豬～哈哈！歌頌母親既偉大講足一世都唔嚴多呀！媽媽們，我愛你～
個仔仲細，點知咩叫母親節丫。最緊要瀨屎尿幫我換片，肚餓時俾奶我食就咁簡單。所以我地點開心慶祝～佢都仲未識，不過無呢位咁重要既配角，點先顯得我地呢班主角媽媽咁重要丫～哈哈！所以我好愛你架～阿仔～！仲有爸爸都愛，不過男人都係大配角～哈哈哈！留返父親節先講你啦！
都話唔關個仔事，睇相就知佢無樂在其中，哈哈！
![]()
今日老老實實都幾開心架～我老公好鬼識做，襯我仲訓緊覺未起床，走左去買花俾我，我一醒就見到紮花，真係堅開心！個下真係覺得好ｓｗｅｅｔ～哈！（但實情係４週年結婚紀念無送花我炸佢型，襯今次補鑊機會都幾大，哈哈，好衰，送花仲要話佢補鑊～）多謝你啦老公～我咁辛苦生個仔，我應得架～哈哈哈！仲要係我最鍾意既牡丹花真係好開心～放左成個星期插起左，開到好靚。
![]()
因為真係肚餓！我要奶奶、奶奶、奶奶（非常重要講三次）
![]()
多謝老公～
![]()
ＨＡＬＯ～我既浴照～媽媽幫我沖涼涼～
![]()
淳淳表示：唔該專業少少沖埋涼先影ＯＫ？
![]()
沖完涼涼去邊呢？就係去媽咪姐係我，細細個婆婆帶我去既九龍城公園喇～以前我媽成日帶我黎呢棵大榕樹下坐架～所以我都要帶我個仔黎影下相～感受一下。今次係淳淳第一次去公園，對佢黎講非常新奇，眼碌碌咁起勢周圍望，非常搞笑可愛～簡簡單單一家三口影下相，仲有公公婆婆一齊影，好開心。
![]()
一家三口笑呵呵～
![]()
淳淳望到斗雞埋～哈哈！同爸爸合照～
![]()
ＷＥ ＬＯＶＥ Ｕ ＭＹ ＳＯＮ
![]()
小淳淳，呢加三個月兩星期大左好多呀！母親節個陣未夠兩個月～成長得好快～
![]()
![]()
母親節仲要多謝黃媽媽~ 今個母親節做埋婆婆超開心~
![]()
媽媽愛你唷！淳淳
![]()
公公最叻玩小飛飛～飛呀飛，個樣最醒目
![]()
笑咪咪～好好玩～
![]()
BILLY好明顯唔太識玩小飛飛～哈
![]()
包包面～好彩有你陪我咋～仔～
![]()
老公訂左檯同我二人世界～因為我好掛住LAWRY'S～多謝你呀老公～
![]()
母親節晚餐時段唔係爆場～
![]()
今晚呢度食ＳＥＴ呀～超滿足～有好好味既龍蝦湯～非常香濃～YUMMY~
![]()
老公既好似係南瓜湯~ 我又好掛住喇！夜麻麻寫卜真係好痛苦～哈
![]()
前菜沙律～細心到連叉都係凍既，好欣賞呢度既服務～
![]()
黎LAWRY'S一定要食燒牛肉～真係超級好食！跟餐會係加州薄切SIZE~ 都好夠厚同夠飽~ 配上燒汁真係一流呀~ side dish我要左sweet corn~超級推介,係好好食,好creamy好甜, 咁當然同樣地都係好肥啦! 薯蓉好香滑~ 最左邊就係英式酥餅, 英國人會當飯食,好似法國人食法包咁~ 用黎吸肉汁一齊食, 不過我就一般般, 食哂其他都超級飽喇~ 夠餅我真係食唔落~ 而且我唔太喜歡~哈
![]()
甜品得返士多啤梨mousse cake~ yummy~
![]()
好滿足的一餐呀~ 多謝老公, 食完又要返屋企餵奶～哈哈！祝大家母親節快樂 :)
![]()
感謝 仙蒂小溫太 提供以上資料
個人日誌: http://cindylittlemrswan.blogspot.hk/
