7 美妙放題

我哋呢對放題狂迷夫妻這夜又去拍拖擦餐勁嘅,好彩香港放題店片地開花,各式各樣主題都吃得到,今趟試的至尊滿屋日本料理係上次吃過質素尚佳的御滿屋嘅姊妹店~

至尊滿屋日本料理星期一收費$228+10%,我要就車爸爸食夜場時間由20:45-23:15,勢估不到平日的夜場都爆個滿堂紅呢!!

飲品跟一衆放題店般選用自助形式 ,喜歡邊樣自己揀沒有"被選擇"的情況出現架^0^

另一面係甜品櫃,有布甸,奶凍及切餅之類,不算十分吸引但吃放題放對我嚟講此非重點!!

飲品也夠心思新出的有氣利賓納都有供應合晒我心水,另外那罐菠蘿汽水又係我"飛佛",內心即時充滿了喜悅^0^

但High處未算High竟然比我發現有Hoegaarden Rosee而且都係任飲啊,酒客們唔使食也輕易回本啊haha~

好喇講咁耐好肚餓呀,先上檯係刺身拼盤點了三文魚,鮑片,油甘魚,劍魚腩,甜蝦,帶子,赤貝,馬刀貝等等~

刺身新鮮度不俗,尤以劍魚腩為首,咬下沒帶冰感,滿口油香,味道更是鮮甜非常得體喔!!

而三文魚色澤亮麗油脂豐腴得很,肉質軟綿綿入口十分鮮甜好吃^0^

又要讚賞這集團旗下的壽司師傅,所有壽司,軍艦和手卷全都製得十分出色^0^ 壽司飯質感剛好,而面料亦新鮮好味道,絕無因放題放軟手腳~

前菜點了胡麻冷豆腐,芝麻八爪魚和甜酸蘿蔔,豆腐都算滑溜配胡麻醬永遠也不會失威的,而甜酸蘿蔔竟有驚喜喎!酸度不搶喉,蘿蔔又爽脆但如果可用粒狀奉客更添口感啊~

 食芝麻八爪魚時發現這"人仔"EE對你唔住喇!!好好在我肚內安息吧!!

黑松露胡麻海鮮沙律,不吝嗇的黑松露醬將整碗沙律增添了靈魂,味道層次豐富多了^0^

龍蝦海鮮粥,一來到見到沒預期的龍蝦還有兩件之多,加上不少帶子,魚肉,鮮蝦粒,呢碗綿滑的龍蝦海鮮粥好有驚喜喔!!

鹽燒海蝦,質素一隻得一隻就麻麻哋,睇大家彩數喇,不過誠意可嘉起碼熱烘烘的奉客先啦!!

焗廣島蠔呢個好好吃, 焗到面層金黃香脆,內裡有不少鮮菇蟹柳陪襯整件廣島,酸甜蛋黃醬亦調教得不錯,不過滋味背後挺肥膩呢,謹記少吃多滋味啊!!

燒鰻魚串又係超級好味很吸引喔!肥美甘香的鰻魚搽上鰻魚汁燒到熱烘烘香噴噴,食落又香又甜真的不能不低頭.....我吃了3串啊^0^

燒有機蕃薯仔和菠蘿當然係唔少得啦!!溫馨提示吃燒菠蘿小心D汁噴到朋友仔呀,車爸爸便中招了haha~

天婦羅有我倆秋葵,粉漿不過厚吃下口感不俗,而蕃薯天婦羅係少有放題用的紫薯,比起黃蕃薯質感較硬!!

甜品時間每位客人可選Movenpick雪糕一盒或者Haagen-Dazs雪條一條~

我哋一致要了Movenpick士多啤梨和雲尼拿雪糕,及取了少許甜品櫃的甜品杯~

最後忽然想吃稻庭烏冬,木魚湯味頗濃郁,烏冬煙韌好咬口,為這餐作個完滿終結^0^