公司請食飯，有同事生日，一於食好點，去了經常經過的Angus。
裝潢是紅黑為主調的型格設計，2點幾去到，冇乜人呀，但仲有lunch set。
有餐包、沙律或湯、主菜、飲品或甜品。
餐包，微熱，口感鬆軟，配上橄欖油及黑醋更好味。
Caesar salad，蔬菜夠新鮮，味道清新，加上芝士片、麵包粒及熟蛋等，份量十足。
Grilled Sirloin Steak，$126，炭燒的西冷牛排，口感嫩滑又多汁，香口惹味，但邊位略為焦燶，底層的薯蓉，份量多，有好香的牛油味，口感細膩，好味呀。
凍檸樂，炎炎夏日飲呢個透心涼呀。
環境不俗，坐得幾舒服，食物有水準，係灣仔呢個地段來講，百幾元有個西餐SET真係算幾抵食了。
灣仔港灣道28號Brim 28灣景中心1樓2號舖
