0

[分享] 整胎毛筆順便變成小一休光頭仔

仙蒂小溫太 於 2016-06-29 00:00:00 發表  |  累積瀏覽 1107

分類:

[分享] 整胎毛筆順便變成小一休光頭仔 27 JUNE, 2016
YEAH!爸爸新買既BABY GYM登場,終於可以訓地地玩下喇!不過淳淳有點怕D公仔,呢加只係用地布同佢玩下,呢四支柱已經被消失一陣。哈哈!我要快手去買返張地墊,係地下玩佢開心D,成日訓住張HIGHCHAIR~ 佢已經唔制~真係大個仔喇下~識得反抗!
講返今日約左上門整胎毛筆呀~上門方便嘛!唔使帶隻仔走來走去,重點好熱,唔想熱親佢。呢間整胎毛筆我都係上網搵返黎既,見評論都唔錯,就決定揀呢間「愛思胎毛筆」,點解決定整胎毛筆呢?因為真係想留返份小時候既禮物俾淳淳,如果就咁留一執頭髮仔又好似無咩意思,如果變成一件物品就可以好好收藏,等佢大個送返俾佢,成件事就好似好有意義,哈哈!呢D想法好個人,真係可有可無,不過我就想留起呢份禮物,係淳淳既第一執頭髮,而且阿仔頭髮多,整筆既姐姐都話淳淳既髮量夠整六支胎毛筆!



工人姐姐陪玩,媽媽當時泵住奶影佢相~哈



我肚餓喇!食飽飽一陣剃頭要乖乖~



其實呢款 BABY GYM好靚~好似有電動架~不過因為驚,所以唔玩住~



訓前仲有頭髮~ 其實前一晚我仲考慮緊要唔要剃哂~我同老公講不如唔好剃哂啦~整個髮型得啦~唔好做光頭仔~不過我說服唔到老公,而且天氣熱,又仲細,變光頭無咩唔好!就係咁。。。。我個人變左光頭仔~不過都幾可愛既,反正佢只可以走可愛路線~哈哈!



肥美的睡姿~




準時就黎到喇~係一位姐姐黎幫淳淳剃頭既~首先會介紹一下我地今日要整既胎毛筆既筆~因為我一早已經決定要「文武筆」,所以只要考慮要咩木材料去做呢支筆,一切都係好個人同合眼緣既選擇。因為唔同木材都係唔同價錢,姐姐黎到都有逐一介紹,服務同態度都好好,好專業仲帶點文藝既感覺~哈哈!咁介紹完我就決定好所要既木材啦~寫好哂單就會準備剃頭/剪頭髮。



不同木材文武筆既介紹 文武筆上會刻上一對以阿仔個名為名既對聯,好有意思呀! 好鍾意~雖然未知會刻咩對聯~期待~



後面位姐姐一陣就會為淳淳剃頭~淳淳仲係好傻豬豬唔知發生咩事喔~



媽咪真係萬分不捨要你剃頭,爸爸叫我影多兩張相~哈哈



準備好喇~叫工人姐姐楂機影相,質素係咁上下,清就得架喇!哈哈!但重點係姐姐一剃頭,我個工人姐姐好似接受唔到我個仔被剃頭,佢好傷心咁~咩料子呀~~到最後先醒覺,姐姐呀~你要影相!!!哈哈哈!超搞笑~



剃頭前都會有一些習俗既動作要做一做 1)面對住日光 2)帶好玉器,俾小朋友有定驚作用 3)紅布蓋身 全部都係有意思既,不過我忘記左!哈哈! 只係記得有一個利是封入起一執頭髮放係枕頭仔下面俾淳淳定驚,好似話因為剃刀都係利器,驚小朋友會驚,所以要定定驚。



淳淳超級合作~乖



YEAH!瞬間變光頭~得左~



(我們被低炒)哈哈~淳淳好叻無扭計~媽咪錫哂~



頭髮已被安排好入袋,大約兩個月後就有製成品~好期待! 整個過程好順利好舒服~到時成品出左再作分享!



乖啦~唔好一臉無奈啦!哈哈~



淳淳:唔好迫我出拳頭呀!我少林寺出黎既!



第一時間到既麻麻。麻麻話個孫唔記得佢,要日日黎睇孫~哈!



一休哥~



有心事~



爸爸終於返屋企喇~快D安撫下我個頭仔啦~



淳淳:你地開心啦!我唔想同你地影相~



笑下得唔得姐~~~



米芝蓮要飲埋奶奶就訓覺豬。早抖喇!



感謝 仙蒂小溫太 提供以上資料

個人日誌: http://cindylittlemrswan.blogspot.hk/

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 563856

全部攻略 579

全部回應 70