[觀塘] BriKetenia ‧ 隱藏版由法國南部來的米芝蓮餐廳，鵝肝燉蛋味道令人印象深刻！

完全估唔到在觀塘的工廈區內竟然隱藏著這麼一間從法國南部來開設的米芝蓮一星法國餐廳，餐廳主打新派法國菜，是次我們係衝著鵝肝焦糖燉蛋而來的，順道可以嚐嚐這裡的Tasting Menu，普遍來說評價好似都不錯！


(喜歡的，請按讚支持，是給我很大的鼓勵啊 

)  
Connie's Food and Life Corner

   
















一進餐廳環境很闊落，配合柔和燈光，中間係酒吧位；












周邊都設置了一些梳化位置，還有可多人一齊用餐的大長檯，最前方部分設置成透明玻璃，可望到廚房內的環境。






餐牌上有Set Dinner價錢約$168-$458三道菜，由意粉到M6和牛都有，主要睇客人點那款主菜；Tasting Menu 前菜+五道菜+甜品、飲品$598/位（另加一服務費）。也有A la carte散叫前菜、湯、主菜和甜品等，價錢不算費。




Tasting Menu:
-Upgrade to Latte / Cappuccino +&20 -Paired with 3 Glasses of Wine $178
滿喜歡上每道菜時，店員會講解菜式的材料和烹調方法，值得一讚啊！


法國麵包每星期兩次空運過黎，芝士酥就係自家製，食落夠香酥好好食！麵包另外有提供自家製的蒜蓉鯷魚醬，食落頗惹味！






先來兩款餐前小食，小匙的鵝肝小方配搭了紅桑子果凍，入口先來一陣紅桑子的果香，其後係鵝肝甘香的味道，味道滿夾的，是一道有心思又特別的餐前小食。


另一款係魚子三文魚醬小卷，入口有咸香味重的三文魚醬，咬落外皮脆的，加埋魚子作點綴，咬落卜卜聲，頗過癮。










Tuna Tartare 吞拿魚他他加左紅菜頭粒係入面，咬落爽口增加左口感，但小妹略嫌吞拿魚的味道不夠香，少了點惹味感。面頭加左少許魚子醬，配搭起黎食多左重咸香味，豐富了味道。






鵝肝焦糖燉蛋 （加$30） 將鵝肝加埋落雞蛋度一陣燉製，還附上三片法式薄脆，讓客人搽上去慢慢品嚐 。鵝肝燉蛋入口嫩滑，衝著一股超強勁的鵝肝味，味道帶點甘醇和酒香，好好食呀！如果怕膩，上面仲有紅莓醬比你配埋一齊食，中和一下味蕾。










Spanish Red Prawn Salad 西班牙紅蝦、鵝肝、自家製魚蛋，這個組合無疑係滿新穎的。西班牙紅蝦經燒過，為保持口感唔會燒至全熟，味道係近期食過至爽口彈牙既蝦，入口好重蝦味，感覺非常新鮮！鵝肝肥美嫩滑，滲出陣陣脂肪香，整個味蕾就是很豐富！側邊兩粒的自家製魚蛋，咬落外脆內軟，入面填滿魚肉，但魚味不算重。










Iberian Pork Two Ways (Grilled Pork Chop & Pork Cheek) 這道菜包括了燒豬扒和較少食到的豬面頰兩款食材，可一次過嚐兩種不同的口感。燒豬扒食落外皮帶脆，內裡半肥瘦的肉質充滿肉汁，咬落腍身有口感卻不韌；紅酒燴豬面頰，入口有紅酒香，咬落彈牙中卻帶有黏口的感覺，口感特別。主菜外，側邊還附了些紫薯蓉和蔬菜，味道也是不錯。


Lobster Thermidor (Wild Mushroom & Cheese Sauce) 半隻開邊龍蝦已細心的起晒肉方便客人享用，龍蝦用上芝士汁去焗，殼內佈滿芝士汁，加埋龍蝦肉，好似食緊龍蝦伊麵既感覺。龍蝦肉十分彈牙多汁，底下還墊了蘑菇口味的薯茸，好食！


BriKetenia Dessert 跟餐甜品係芒果熱情果蛋糕配芒果雪葩，芒果熱情果蛋糕味道清新，酸酸甜甜的尤其醒胃，配埋香甜雪葩作結，好滿足！


Petit Fours 這個甜品拼盤，有士多啤梨和檸檬馬卡龍，仲有朱古力和開心果味的小曲奇。至怕食到甜到溜的馬卡龍，而這裡的食落不過甜，不過外皮的質感可再乾身和脆一點。兩款曲奇咬落鬆化，朱古力味濃郁，不過開心果曲奇味道就較薄弱。


最後以一杯熱檸檬茶作結，很滿足又美好的一餐!



BriKetenia 地址: 觀塘成業街10號電訊一代中心1樓B1號舖 (港鐵觀塘站 B1 出口, 步行約2分鐘) 電話: 3577 8100 營業時間: 星期一至日: 12:00-15:00, 18:00-23:00

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================