8 相聚一刻

好友相聚從來不用藉口和理由想見便見,這夜又跟我的男女朋友相聚一刻,由有品味的劉總揀地方他選了Urban Coffee Roaster座落於充滿仙境名字的街道上,想像著都已好有意景的畫面~

Urban Coffee Roaster就在碧仙桃路內,原來就在金域假日酒店附近的短短一條小路上的小店~ 

內裡裝飾富工業風令我想起工人褲,啤酒,炸魚薯條~ 

這兒亦有供應這款{Blood Orange}$25我超愛飲不過可否大枝D呢??得250ml真係唔夠喉呢!! 

{French Fries with Black Truffle Mayo}$48,嘩~薯條熱烘烘上檯炸得外脆內嫩,另附帶香濃的黑松露香的沙律醬肥美但好鬼好味^0^

如怕膩又可點茄汁吃一樣滋味無限^0^ 

{Portobello Mushroom }$58,賣相十分吸引,大啡菇内有車打芝士,溫泉蛋,及黑松露汁~ 

切開後沒有期望的流心蛋黃,但大啡菇十分juicy,加上芝士及黑松露汁亦不失好味道!!加埋旁邊煎香的蒜片簡直係人生一大快事啊~

{Spaghetti Carbonara}$118,醬汁做得算不俗,麵條也夠咬口可惜係那硬掘掘的煙肉破壞晒整體表現啊!! 

{Gurilled Diri Diri Chicken} $168,中東辣烤雞用上雞腿泡製,肉質不錯不會鞋拾拾,帶少許辣味也叫香口,墊底的塔布勒藜麥沙律帶飽肚作用多於美味!! 

到甜品時間,原來訂座會送上這款{Coffee Poached Pear}價值$78,但客人要付加一費用$7.8,雪糕被埋藏在咖啡啤梨内不知是否影相久了一切開溶掉的雪糕已像山洪暴發的湧出,啤梨咖啡味淺薄,反而係開心果碎好香比主角更好吃!!

{Apple Crumble}$48賣相焦脆中帶燶,內裏好像有蕃茄乾味道甜甜酸酸都幾過癮~ 

{Banana Bread}$58,呢個好嘢嚟,焦糖香蕉味道已good加埋香蕉蛋糕咩童年回憶都返晒嚟,十分喜歡這甜品^0^

有愛吃雪糕的Oli當然要叫客慰藉她啦!!獨孤一味雲尼拿味$20,so far so good la只係溶得較快啫!! 

期待下次的相聚一刻^0^