攻略日期:2016-07-04
是次消費:每人平均約HK$ 400.00
車爸爸近來收工頗定時,加上屋企附近街市正值重建所以出街食飯拍拖次數激增了不少,這夜又相約到太子揾吃,行經這Hami Harmony被法式小店格局吸引著一於就吃這間啦!!
店內座位不算多大約30個,走悠閒路線啱晒喜歡自由奔放的我倆^0^
其實二人套餐都好抵食不過車爸爸睇中那件14oz美國安格斯有骨肉眼扒,那就a la carte吧!!
揀好美食後跟車爸爸談情一會餐湯已奉上,是日係{西蘭花忌廉湯}$25,質感滑溜的忌廉份量剛好不過膩,如果西蘭花的味道再濃多些便更合我心意喇!!
靚女侍應給我介紹這個{小食拼盤}$138,一上檯我眼都突埋原來那麼豐富,坦白講吃罷拼盤真的飽了7成,但因為成品美味我哋又吃得一件不留呢!!
拼盤內有{芝士條},{水牛城雞翼},{芝士蔥餅}及{炸甜薯條}~
炸甜薯條外香脆內淋甜蕃薯味勁濃香超級好味^0^
芝士條外層香脆可口,內餡有Mossarella cheese做成拉絲效果好玩又好吃~
芝士蔥餅吃下極像蔥油餅但大廚聰明哋加入芝士令整體感覺升級不少,而且沒帶一絲油膩好抵讚,而水牛城雞翼更香辣惹味很吸引呢^0^
到車爸爸最期待的{美國安格斯有骨肉眼扒14oz}$260,肉眼扒一上檯巨大得鄰卓幾位小姐們驚嚇的眼光,大家看塊扒比車爸爸手掌還要大多了haha~
最後車爸爸輕易KO了這14oz肉眼扒原因好簡單他說因為肉嫩又富牛味,還有他更很喜歡旁附的肉汁可知他吃扒從來不點汁嫁^0^
而我便勁掃伴碟的正菜尤其這件薯角外香脆內粉淋幾飽也吃了一件啊!!
我的{蟹肉海蝦燴意大利飯}$138,集鮮,香,甜於一身內藏絲絲蟹肉,意大利飯還帶少許米骨很合我意,不過份量挺大可幸我夠大食加上太好味了最終亦被我KO晒haha真大食^0^
最後飽到甜品也只能試一個,當然要吃我愛的{蛋白脆餅}$65,伴熱情果汁真的太聰明了!!那份甜酸交錯加上富質感的蛋白脆餅叫人十分愜意呢!!
還試了兩款飲品{熱情果菠蘿梳打}和{哈密瓜菠蘿梳打}各$38,味道也清新解渴,最重要係梳打好夠氣我最like~
累積瀏覽 1699710
全部攻略 3624
全部回應 11418
Hami Harmony
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)