榴槤糯米糍，花生糯米糍，甜酸青瓜

自從6月中我兩個小朋友考完試，又唔洗我送飯，仲成日都系返半日學，返埋下星期五咁就正式放暑假了，又可以有多d時間訓下覺，整吓野食，出去玩下咁样，有時間真系要好好享受，否則9月份一開學又忙到自己姓咩都唔記得，哈哈……



呢個糯米糍系上星期整的，整佐24粒，其中8粒系榴槤糯米糍，榴槤蓉系老公買返黎的，但買返黎果2盒D24榴槤糯米糍入面d饀就好食但d皮就唔系咁好食，就系因為咁樣搞到我心思思又自己整糯米糍食，用老公買慨貓山皇榴槤蓉黎做糯米糍出黎嘅效果好好，味道仲好正添呀，今次呢d糯米糍皮包完即食我覺得好軟好好，我特登將4粒糯米糍放上冰箱到食前放落下格解凍再食，佢嘅皮依然系一樣軟，另外我留佐2粒放雪櫃下格雪2日先再食，估佢唔到個皮依然系軟身無硬，真系好正！我試過系街買嘅糯米糍放雪櫃一日已經硬，完全唔掂，上星期五7月1日我拎佐一盒15粒糯米糍同埋一盒甜酸青瓜拎返外家俾家人食，外家個個人都話d糯米糍好好食個皮軟熟，真系大讚，而甜酸青瓜就唔系個個鐘意食，青瓜系我老爺自己種的，有日佢拎佐好多俾我，我又食唔晒，唯有整甜酸青瓜，我同老公都喜歡吃！

============================================

感謝 謙盈媽媽 提供以上資料

謙盈媽媽的網誌: http://himyingmama.blogspot.hk/

============================================