相信依個品牌既面膜對於大家黎講都有小小陌生，因為佢唔係國際大牌子，係台灣既一個品牌，
而且台灣好多美容既品牌真係多到數都數唔哂，但係上個月係另一個Blog認識到佢依個品牌既Mask，
Like左佢係facebook既Fans Page，原來真係好多人讚到佢如同某大品牌一樣好用～～～
最重要既係……佢可以對抗黑頭！！！！！
黑頭，基本上係每一個人都會有，最難解決既一樣野，好多人都會走去美容院解決，而我依ｄ咁度叔既人妻，
當然唔想花幾百蚊出去做啦，今次依個Annie's way 果凍面膜，除左可以一路護膚仲可以一路溶化同我對抗多年既黑頭～～
簡直係溶化我個心………
今次我係網上買左紅酒果凍面膜番黎～佢有以下咁多款～～
一打開就好香紅酒味～～真係好似jelly想咬啖
使用方法好簡單～
爽膚水＞厚上mask＞待機１小時＞洗
唔記得步驟？唔緊要～網上好多好多人都教～而且最緊要既係佢既包裝盒既內則有圖有字去教你點去用～～！！
上面之後～～
真係好舒服-v-bb
一個鐘之後～～只要用刮輕輕將面上面既jelly刮落黎~洗乾淨就ok~~
洗完之後你好明顯會見到個鼻鼻乾淨好多好多！！連我老公都話個鼻鼻好乾淨（今晚就同佢做測試w）
我曾幾何時花過近500去買唔同既去黑頭產品~~但係好多都係失敗～俾我用兩次就掉左．．．
今次Annie's way 果凍面膜除左令我了結左黑頭依個大敵～同時都護理左我皮膚～～
第二朝訓醒塊面乾爽舒服～～一定會回購！！！！
