如果話韓國牌子黎講，我最鐘意就係INNISFREE既產品（因為有允兒做代言w)
都唔係全部原因係關於允允既～～因為我都用過佢幾種唔同既產品,佢既價錢唔貴，效果亦唔錯～所以以韓國牌子黎講我最多就係用佢～～
今次想介紹大家用既就係Innisfree Soybean Energy Essence - 濟州島發酵黃豆活力精華～～(網上購買$298)我唔係以$298依個價錢買，因為咁岩有朋友係韓國幫我帶番黎～～而且仲係以1SET加兩枝精華素既價錢～所以我都唔知幾多錢-V-
佢個樣同普通既爽膚水冇咩分別,不過其實佢就係爽膚水同精華素既位體～精華液w
佢既質地比起水帶小許既黏性，但係塗上面係舒服幼滑既感覺～～
我既用法係洗面後，倒5毫子SIZE既份量係水再輕輕拍上面，因為佢質地十分十分易推開，所以唔需要太多既份量已經可以塗勻成塊面～～
而且吸收速度亦好快～～吸收後面既感覺係水潤有透明感～～
因為係岩岩過去依個11月我都病到隻狗咁...本黎皮膚應該都會幾差,不過我都KEEP住有用佢(同埋其他護膚品~~)膚質亦都KEEP住面色唔太差~~所以佢既效果真係相當滿意~~
網上好多人都話佢係韓國平版神仙水～～我都幾讚同！
COPY:
Innisfree 濟州島發酵黃豆活力精華 150ml
Innisfree 濟州島發酵黃豆活力精華被譽為超值版神仙水，發酵原液來自濟州島的大豆，濃度達到了91％，有效緊致肌膚，改善膚質，打造豆奶般白嫩、潤澤、柔軟肌膚。具有六合一的護膚效果：補水、保濕、美白、柔滑角質、鎮靜皮膚、彈力護理。作為護膚的首要程序，有助吸收其後使用之護膚品。
