8 家庭樂

車爸爸的悠長假期第7天我哋留家陪車車,瞓到自然醒後去赤坂料理吃個新鮮中午餐先,車爸爸例牌要刺身定食$48,前菜係中華沙律他不愛吃益咗我hehe~

六款刺身共12件照樣新鮮甜美,車爸爸吃得超滿足呢~

我就試了新品麻醬刺身冷麵,麻醬香口不過酸,刺身都夠新鮮,係麵質較淋,我還是喜歡有咬口的麵條~

好久沒有飲提子汽水了,呢隻美蓮達又幾好飲喎!!

食飽飽行過隔離有幾個貨櫃見到賣生果蔬菜都有,但最吸引我係呢檔賣巴基斯坦店,有我喜歡吃的巴基斯坦芒果,另外仲有坊間少見的新鮮杏脯買呢!

仲有巴基斯坦苦瓜賣添,夜D先泡製你嘻嘻~

下午就係親子時間同車車洗白白,傻豬仔呢個樣成個3D蛋糕咁樣好可愛^0^

攪完一輪終於到我哋晚餐,今晚勁喇食麻辣火鍋,用咗清麗村姑送我的台灣手信老虎麻辣醬包刺激刺激一番hehe。

麻辣之夜隆重開爐,睇下車爸爸頂得幾耐先hehe~

睇吓我哋食D乜先,偷了車車一盒鴕鳥肉hehe~

索味豆腐卜一定唔少得啦。

仲有我最愛的午餐肉和雄記春卷yummy~

蔬菜類有巴基斯坦苦瓜呢隻苦瓜真係苦到呢連我都投降了,都係食超甜粟米和節瓜穩陣D~

買條海鱸魚起肉,好鬼C鮮甜呢!!

仲有車爸爸朋友送的台灣手信鵪鶉皮蛋,車車都對佢好感興趣喎!!

鵪鶉皮蛋除了外型的式可愛D外食味跟正常size沒兩樣囉!!

為了車爸爸生命安全著想我除了沒加辣外還將辣椒夾起,醬包內香料挺多滾起來香氣撲鼻,吃罷全屋充滿麻辣的味道。

大家睇吓車爸爸食到要隊罐king can才能熄火哈哈哈........

飯後果有香甜巴基斯坦芒果,金奇異果,新鮮杏脯和小蜜蜂甜橙超豐富的維他命喔!!

未完架仲有車爸爸愛心馬蹄,佢逐粒逐粒刨比我食好感動啊~

心肝椗吃飽玩夠便倒頭大睡了,毛孩真的超易滿足呢^0^