7 醉人自助餐

好多朋友仔都知道車媽媽喜歡飲番兩杯，唔知係咪因為這樣被靚女公關睇中，邀請到銅鑼灣維景酒店的繽紛維苑餐廳吃美酒佳餚自助餐呢haha？

第一次到繽紛維苑，室內環境較踏實，沒多花巧，而且檯與檯之空間很足，當晚坐得很舒適。

這個下雨天被安排坐於落地玻璃窗前，可幸的是到達時雨勢稍停，還影到日落景色，可算天公造美。

同樣哋給大家介紹一吓自助餐有咩特别食物啦！話明係美酒佳餚當然唔少得酒啦！場內有砵酒和雪梨酒免費無限量供應，喜歡飲兩杯的朋友可喜了。

大家都知車媽媽超愛吃風乾火腿架啦，這裡還選用Iberico Ham，餐廳建議大家配雪梨酒同襯來吃。

而芝士有則有五款選擇，仲有我喜愛的Herbes Cheese今次係黑椒味，但我最愛還是蒜蓉味呢,用砵酒來嘆滋味會即時升級啊^0^

冷盤有Cold Cuts，煙三文魚，香草三文魚及黑椒燻魚等。

凍海鮮場面十分豐富，共有八款選擇之多呀。

有肥美肉厚青口，鮮甜可口的雪場蟹腳。

啖啖肉的龍蝦鉗，仲有爆膏爽口嘅開邊龍蝦。

鮮味又彈牙的大海蝦，比一般坊間的大隻又彈牙。

頂角爆膏鮮嫩的麵包蟹。

還有蝦肉及翡翠螺呢，您話要回本有多難呢！

刺身選擇都不有少八爪魚，赤貝，北寄貝，三文魚，牡丹蝦及油甘魚等，全部都新鮮冇腥味。

而帆立貝則用日式汁醬醃製而成，比刺身多了一重新鮮感！

沙律區選擇不多，但可算麻雀須少，五臟俱全。

餐廳還有席煎燒烤，每晚不同食品輪流上場，是晚有法式鵝肝，M5和牛，羊架，生蠔和海蝦睇見都流口水啊！

仲有每週轉款的精選麵食供應。

熱葷有孜然羊肉，豬肉串，味道好鬼香濃好好吃㗎！

仲有香口惹味的避風塘炒龍蝦鉗。

想清爽嘅有草菇時蔬，同清蒸鱸魚。

泰式燒豬頸肉和香辣雞翼。

咖哩牛肉，可配白飯或炒飯呢！

燒有骨牛肉，配菜有腸仔，蕃茄，蘆筍，南瓜及薯角。

火箭蝦，薄餅。

湯品有中.西兩款，海鮮龍蝦雜菜湯，同足料滋潤的沙參玉竹煲螺頭湯。

到甜品區，一眼就盯上馬卡龍，可惜最後竟然忘記吃啊,冇辦法當晚三個女人一個墟，傾到唔捨得走咁滯！

連中式糖水渣咋和久未見面的椰撻都有呢！

新鮮生果有我至愛菠蘿好開心喔！仲有清甜西瓜同哈密瓜呢。

大師雪糕四款口味，梗有一味合心水吧！！

各式蛋糕還有不少味道和款式。

香蕉班戟係餐廳限量供應的，呢個一定要試啊～仲有雪芳蛋糕添！

而甜品櫃內還有不少凍甜點如鮮果啫喱，涼粉，奶凍，椰汁黑糯米，木糠布甸，芒果慕絲等等！

另外原個蛋糕中有Cheese Cake，Tiramisu，最有特色的有伯爵茶慕絲蛋糕。

喜歡生果原隻咬也有蘋果和橙可選！

最頂癮係Candy Corner中除朱古力豆，可樂糖外仲有陳皮梅，白兔糖，珍寶珠及山渣餅等懷舊糖果呢！

凍飲品有橙汁，蘋果汁和西柚汁，唔喜歡凍飲還有咖啡奶茶，檸茶檸水等奉客。

以上便是自助餐的內容，大家當然最想知價位是嗎？放心車媽媽介紹得必係性價比不俗的，劃一價星期一至日成人$428/位,小童及長者$328/位(即日消費便可免費入心享會，即時享有八折優惠)，如果跟我一樣喺生日月會員惠顧自助晚餐,十位以上仲可以獲得精彩優惠，壽星先可以獲得一磅生日蛋糕一個，而當晚嘅自助餐仲有75折優惠。

另外還可以獲得Haagen-Dazs可愛熊仔禮品一份呢！以上生日優惠去到9月30號咋！！*^O^*

另外愛杯中物的朋友只要另加$88，便可任飲紅白餐酒，選擇也不少喔。

介紹完畢通常呢個時候都超肚餓啦！飲杯橙汁開開胃先，侍應生還貼心送上熱毛巾給我們抹手開餐。

三人各分力取了這份飲食地圖，影張大合照後便開餐喇喂！！

先來第一碟當然係冷盤刺身同沙律啦，刺身全部都新鮮甜美，而當中有我最愛嘅秋葵，實在太美好了^0^

跟住落嚟當然係要食凍海鮮啦！一次過取曬我哋三人嘅份量，看上去多震撼呀^0^

充滿橙膏的龍蝦味道挺鮮，而且肉質不會過熟吃下都幾嫩滑。

仲有邪惡嘅麵包蟹即時諗起甜魔媽媽了，很久沒跟他一起吃麵包蟹啦！

估唔到今晚都有知音Jannis原來都十分喜歡吃蟹膏呢，而且特別欣賞這兒嘅麵包蟹膏她說覺得比之前吃過的更鬆軟甘香我當然和議啦~

到我最愛最愛嘅風乾火腿喇，而喺我心目中佢嘅perfect match當然係配菠蘿啦，味道鹹鹹香香，酸酸甜甜的十分誘人^0^

配上餐廳建議的雪梨酒，雖然車媽媽都好喜歡飲酒，但係呢個雪梨酒飲落去比較刺激，我不算十分喜歡啊。

反而配芝士嘅砵酒我就喜歡非常， 加埋芝士嘅化學作用竟然像飲話梅花雕般很過癮喔！

其實一到步已見到枱上有你三支棍棍，原來係用嚟Order BBQ嘅食物同埋即煮意粉嘅，煮好後就會跟你支棍棍送上枱架喇！

車媽媽雖然戒了鵝肝已久，但聞到煎得香氣撲鼻鵝肝還是會流口水的(>﹏<)

吃罷頭盤BBQ的食物也送到，點了羊架，大蝦和生蠔。

燒生蠔個子須不大但味道很鮮甜可口，另外大蝦亦肉質新鮮札實，經燒烤後更加香口惹味。

呢個時候當然要整碗靚湯暖暖胃先啦！龍蝦海鮮湯唔飲便走寶了！湯底濃郁鮮甜，既飲到龍蝦味又帶菜蔬甜味，好喝得拍手掌呢，而沙參玉竹螺頭湯都足料非常各有精彩^_^。

熱葷中試了孜然豬肉串，肉質夠淋不鞋，孜然味很突出，很是美味，另一樣係避風塘炒龍蝦鉗香口的蒜味從來惹人憐愛，加上嫩滑的龍蝦鉗好易令人迷戀上呢！

白汁腸仔寬條麵，白汁煮得夠曬香滑，但食落會比較漏，而闊條面質感都十分彈牙，呢一碟我哋三個人分吃就啱啱好了！

呢一款係抹茶燉蛋係廚房不定時咁做出嚟送畀客人嘅！

剛出爐的燉蛋質感軟滑，除咗香濃嘅蛋味，還帶幽幽的抹茶香氣，綠茶迷應該會十分歡喜。

當然唔少得大師雪糕啦，呢度有四款口味供應，我就唔客氣一次過攞曬四款開心share啦(^_-)

甜品當中我選咗芒果黑糯米，芒果拿破崙，栗子慕絲同埋限量供應嘅香蕉班戟，我最喜歡既係香蕉班戟，雖然佢唔係即叫即煮，但係外皮十分軟熟，內裏有完熟香蕉片，同少許嘅忌廉，我覺得配合啱啱好，吃下唔會太多亦都唔會太漏。

Jannis取了這件伯爵茶慕士蛋糕,我痴食了一口來吃,茶味挺香，蛋糕質感亦都夠濕潤，最可愛係面層那伯爵茶啫喱，為整件蛋糕增添不少口感。

最後我倆和靚女公關Wendy，可愛嘅侍應生繽紛小王子selfie一張便快樂哋結束這夜既開心又滿足的一夜了。