又到weekend啦
可以同Mr.C拍拖啦，今日有多節目呢
由中午12玩到半夜12.。。。
好攰啊
第一站：銅鑼灣蛇王二食個快Lunch先。。。
諗住避咗Lunch時間會無咁多人，
點知都係人山人海，等咗大概10分鐘左右
我叫咗碗燒肉油雞飯，Mr.C就叫咗碟半肥瘦叉切雞飯，
兩個都配例湯
好味啊，不過個例湯就好重味精，
下次都係飲返佢d燉湯好d。。。
蛇王二(燒臘飯店)
地址 : 銅鑼灣波斯富街24號
電話 : 2831 0163/2832 2977蛇王二(燒臘飯店)
第2站: 我地去咗旺角先達幫2部新玩具買靚mon貼。。。
之前貪平係街邊d車仔檔＄10買咗張，
點知唔係好啱size，仲要第2日就花咗啦
Mr.C話幾千蚊買咗個新電話就要錫住用，
所以生長水遠咁去先達買mon貼
我地最後用220蚊買咗2個電話嘅mon貼，好肉赤啊
不過真係一分錢一分貨啊，老闆仲好好傾添，好長詳嘅介紹所，又唔會hard sell貴野
個電話mon好安全啦。。。
第3站:梁蘇記整遮。。
梁蘇記係間好有心嘅鋪頭，售後服務very good
只要買咗佢地梁蘇記嘅遮就一世保用。。。無論咩大大小小嘅壊，老闆都會免費幫你整。。
雖然係貴d，大概1xx－5xx蚊不等，但真係好耐用，
我地用咗幾年，最近條遮骨曲咗，先第一次拎去整..
放底把遮，老闆會俾個牌仔你，跟住按佢俾你嘅時間去攞返，
唔同程度嘅損壞需要嘅時間都唔一樣，
我地好好彩一個鐘就有得攞啦
我地就係商場度閒游一陣。。。。
閒游一��。。。俾我見到個古老磅。。。。
唔知大家有關見過呢？？
天星碼頭都有架，細個同爸B一見到我就會飛奔過去玩。。。
好懷念啊！
閒游之後,就去攞返把遮啦啦...
再去九龍城同朋友仔食泰國野....
一行9人,成餐飯細聲講話大聲笑....連相都唔記得影...可能太肚餓啦。。。
食完男士們嘅正餐，就輪到女士們嘅主菜啦
食甜品。。。。我地揀咗“金寶甜品”
味道無特別，價錢ok，大約＄42-＄6x左右
好忙碌嘅一日，雖然好攰。。。
不過可以同Mr.C & 好朋友一齊真係好開心呢
歡迎跟我聊天及合作邀稿^^
關於美食,烹䚾,扮靚,無任歡迎
bubinatb@gmail.com
