7 新潮老爺

這天跟好友出深水埗買東西，跟友人行經一間老爺冰室，見有不少人等位，正值下午茶時間，心郁郁想試試，好彩友人不怕大熱天時跟我等位，大約等咗十分鐘便可入座！

冰室用上懷舊電影風格，內裡有不少舊式電影器材作裝飾，好鬼花樣年華呢(⌒∇⌒)

就連餐牌亦貫徹如一，用上劇本模樣呈獻給客人，做足感覺出來。

大熱天時梗係要整杯冰凍飲品啦！估唔到懷舊嘅冰室都有好新潮嘅特飲喎。餐廳於14:00-18:00叫食品奉送熱飲，凍飲+$3。

我揀左{朱古力馬卡龍特飲}+$16，香濃朱古力內附有一小球雪糕，面層還有極度邪惡的忌廉，再鋪上層脆粒同馬卡龍，味道香甜滑溜仲好飽肚呢!茶餐廳都有咁嘅質素真不俗啊~

餐牌寫住有{陝西肉夾饃}$34梗係要嗌一客來試一試啦！夾饃比較韌，但係 香辣惹味嘅肉餡味道十分討好，我蠻喜歡的。

{自家製蝦膠多士}$36 蝦多士足足有8件份量可不少呢！而且仲還有雜果沙律相伴，呢個價錢十分抵食喎。

那份雜果沙律餐廳都唔係Hea住做㗎！用上有柚子醬調配出沙律汁，吃落清香甜美，比起淨沙律醬沒那麼膩更多了份清爽感覺。

而蝦多士用上厚身多士夾著爽彈嘅蝦膠，吃下夠脆之餘亦不會太油膩，係略嫌佢炸得過火咗少少，如果早啲起嘅話我相信更加完美！

不過講到最正既係呢一份{黑松露炒蛋多士}$32，大家去老爺冰室一定要食這個黑松露炒蛋多士呀。

厚多士上鋪滿嫩滑多汁的炒蛋，再加埋矜貴嘅黑松露醬，香氣撲鼻之餘，味道更加係一流呀(=^･^=)

最後呢個{芝士豬扒撈丁配牛油芝士厚多士}42，味道質感偏向似忌廉汁多於芝士汁，而出前一丁日都較淋身，豬扒就正常啦不算太突出，不過總括嚟講呢間老爺冰室都好值得去幫親下呢，大家去開深水埗個頭可以去試下喔^0^