5 街頭風味@The Garage Bar

久未外遊的車媽媽從未試過外國快餐車的滋味，對於人家拿著熱狗，三明治在大片草地享受更為嚮往，不知何時可感受一吓這街頭風味呢？

可幸的是我生於香港這片可愛的地方，想一嚐這街頭風味，仲要食得高貴又舒適，我有好介紹！Cordis Hotel於九月開設了户外美食車酒吧The Garage Bar ，酒吧下層便是充滿街頭風格的環境。

而上層仍保留前身The Backyard的休閒環境。

The Garage Bar有兩輛由法國古董雪鐵龍改裝而成的快餐車，用上型格紅黑色調加上週遭的霓虹燈，令人彷如置身外地的感覺，大家暫且放下緊張的節奏，最好梗係Happy Hour嘆番杯啦！

Happy Hour所有啤酒$60，喜歡Wine & Sparkling都係$70咋，而且Bar內在超過40款手工啤酒呢！多心又飲得唔多的酒友更可選Beer Flight$95/Set，可一次過品嚐三款不同的啤酒，三杯加埋才600ml不怕多飲易醉，又可滿足多心的慾望啦haha~

而另一輛快餐車係準備食物的地方，地方須小但五臟俱全啊！

左面的係{香港仔漢堡}$135，用上最能代表香港特色的菠蘿包加上竹炭來泡製出這漢堡包，車媽媽不吃牛所以無緣一嚐！

九月天須則入秋，但還是頗熱當然要冰凍飲品啦，另外的好友就飲手工啤。

我選了{Red Grapefruit Sparkiing Juice}$65，清甜不酸澀 ，最正係有汽，零舍解渴。

{波士頓龍蝦天婦羅三文治}$165，麵包係自家制的，口感較煙韌，而龍蝦用上日式天婦羅風格配上俄羅斯醬汁，這日俄混血兒挺特別呢！另外每份三文治都配有一杯份量不少的香口炸甜著薯，根本就可以當正餐來吃呢 。

另外一款係{芝士蟹肉三文治}$145，可知這包的靈感係來自星級食府明閣招牌菜{芝士焗釀蟹蓋}作藍本，泡製成這三文治。

將滿滿香口的蟹肉釀在自家制的法包上，吃下包身鬆脆，蟹香十足，味道超讚呢！真的令人留下很深刻印象呢！

{有機可樂}$65,實在太熱了要飲可樂喇！！上次在The Place食Buffet時已試過，佢近似沙示味多於可口可樂，但我一樣喜歡何況係有機製造。

甜品{西班牙玉桂條香蕉船}$95，車媽媽跟玉桂唔算好朋友，但跟雪糕就好Friend了,呢隻香蕉船係冇香蕉的，取而代之係玉桂條，但最愛當然係雪糕啦！有朱古力，雲尼拿和士多啤梨三隻味夠晒滿足了^0^