7 痛

3/9開始車爸爸棚靚牙要大修，所以嚟緊差不多每個星期六也會在西環揾食，今次先重溫了周記點心，因為我最冧它的蝦多士呀！

早茶梗係要食盅頭飯啦!鳳爪排骨飯($30連熱飲)一定冇走雞，飯粒分明爽身，鳳爪排骨一貫的入味。

{周記蝦餃}$26，個子十分健碩，內餡鮮蝦十足，既爽且鮮，不過奄尖的我略嫌少了荀尖，和邪惡的肥豬肉囉！

呢款{春風得意腸}$32上次已想試可惜售罄了，今次咁早終於有得食喇，果然早起鳥兒有蟲吃呵呵~

腸粉皮都算滑但未夠薄，但中心的春卷皮十分鬆脆，可惜蝦肉有點霉，比起蝦餃的餡差超多！

而我遠道而來就是為了這{芝麻蝦多士}$35，即叫即做上檯時熱烘烘呢！外表同樣金黃香脆，夾著厚厚的爽彈蝦膠，好魔鬼喔!!

味道方面因有滿滿芝麻所以勁香口，蝦膠味道夠鮮朋，係多士邊有少許過火，帶了點焦味，可幸係完全爽身不油膩，所以我還是十分愛它。

嘆杯飲品便要陪車爸爸去受刑喇，呵呵諗起都痛呢？