8 嘆嘆hightea熱潮

成日見新假期報導high tea餐廳介紹，係大家既share下已經漸漸變左一股熱潮！

見個個係ig 打卡po 相，我又想跟下風呃LIKE ，去左依間HIGH TEA 較出名既Espuma。

環境休閒舒服，以原木色為主要風格，有多個窗邊卡位，下午茶HIGH TEA影相一流，

平日空位較多，但假日就可能要BOOK 定枱留位喇。



嗌左個afternoon tea set，$228(連加一)價錢中等，以水果同海鮮為主，另外可加$15升級特飲。

TEA SET用左e字透明層架擺放點心，共有4款鹹點同6款甜點，睇落去非常吸睛！

件件點心都好精緻，仲配搭左兩件鬆餅，食起上黎都幾飽。

放最頂既係焦糖香蕉朱古力餅，香蕉面層鋪左一層焦糖，口感鬆軟。

朱古力餅食落頗為飽濟，甜度適中。

中間果層包括有黑松露蟹肉酥盒、水牛芝士草莓串、水牛芝士桃肉串，

水牛芝士草莓串，芝士偏淡，餅底較淋。

水牛芝士桃肉串，桃肉香，味道同上。

黑松露蟹肉酥盒，酥餅較為軟身唔夠鬆化，不過黑松露味道不重，感覺還好。

最下層包括有炸魚配奇異果、一口吞拿魚配青瓜、白汁藍青口、藍莓凍餅、草莓栗子撻、蘆薈椰子奶凍同原粒橙啫喱。

味道唔算有太大驚喜，致在擺得夠精緻，整體黎講，咸點中等合格，甜點則較為普通，

底層我比較中意蘆薈椰子奶凍，甜而不膩，蘆薈粒豐富奶凍口感。

最後係佢地自家製既咖啡朱古力鬆餅，配奶油忌廉果醬，鬆餅口感鬆化，味道帶甜，點上果醬味道更佳～奶油忌廉我則厭佢太甜。

凍鮮蜜桃汁茉莉綠茶，我較中意飲蜜桃汁，味道鮮甜帶淡淡茉莉茶香，唔會一味死甜，飲落去尚有微微泡沫。

CHICKEN 則嗌左凍鮮橙汁茉莉綠茶，酸甜開胃，但我都係比較中意蜜桃汁～

================================

感謝chickenandpp提供以上資料

chickenandpp的網誌: http://www.openrice.com/zh/gourmet/reviews.htm?userid=51033932&city=hongkong

================================