米飯已經成為左我地日常生活唔可以缺少既一分，
我每日都差唔多有一餐要接觸米飯，不過黎黎去去都係焗、炒、蒸等等，
食左好幾年就的確有啲悶，之前同朋友一齊黎依間泡飯食晏，又估唔到泡飯都可以咁豐富。
![]()
店名非常中式，如果冇左後面既小標題，應該會以為係一間四川餐館，
可能自始就同佢冇緣，不過都好彩我個位朋友夠識食XD
![]()
環境唔算太寬敞，一般間隔，似平時食開車仔麵既餐館，晏就非常多人，仲出現爆位情況。
![]()
我地坐個位岩岩好靠牆，見到老板同一眾明星合照，原來都幾受歡迎，
我地去果日老板都有落場幫手，親力親為實屬難得。
![]()
泡飯湯底材料選擇多多，仲可以揀自己配料，中上價錢。
![]()
極上海鮮龍蝦湯泡飯，原隻龍蝦蝦頭新鮮餚製，湯底同飯係分開送上，
飯量非常多，食量細既話兩份Share都ok，湯底岩岩送上黎已經聞到濃濃既鮮味～
![]()
材料用量極之豐富，成個湯飯包括有龍蝦頭、墨魚、魷魚圈、硯肉、帶子同青口。
湯底夠晒鮮香，陣陣香濃既龍蝦鮮味，而其他配料都因為個湯底而更加鮮甜，
我中意一啖飯加一啖湯咁樣食，雖然食法唔太傳統，但都可以啖啖感受新鮮湯味。
![]()
用料好豐富，帶子啖啖肉，肉質彈牙。魷魚圈煙韌又鮮香，連湯一齊食更加香口！
墨魚口感爽韌，味道頗淡，配上龍蝦湯增味，而硯肉較為細粒，食落都比較咸，青口大大隻冇得輸！
![]()
熱菜蜜，溫度適中，味道甜得黎滋潤，甜得都控制得幾好，唔錯！
================================
感謝chickenandpp提供以上資料
chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
================================
