8 甜蜜蜜的芒果

之前諗住買個蛋糕同屋企人慶祝母親節，
行左幾間餅鋪都睇唔岩啲款，最後媽媽竟然主動話想食諾亞，
我就即刻撲過去買，因為驚半熟流心款比人買晒，好好彩都買到個！

日式玄米奶茶，自己偷偷地買多左枝奶茶飲，茶味夠香，味道唔會太甜，用左紅茶黎沖製，
而底部會有少少日式玄米，飲落去口感一粒粒，飲過後可以留起燈泡造型既玻璃樽，計番都有賺xd整體都唔錯～

又到切蛋糕既環節～蛋糕底部依然貼心地有即用餐具同紙碟。

芒果半熟芝士蛋糕，芒果果肉佈滿左成個蛋糕面，切既時候蛋糕已經變得軟淋，
充滿金黃果肉既蛋糕係你眼前，好有一種幸福既感覺，而媽媽都好開心咁幫佢瘋狂影相。

蛋糕分左三層，第一層係芒果同凝固左既啫哩，第二層係芒果味既半熟芝士蛋糕，最底層係咖啡味蛋糕底。

充滿香甜既芒果味覺，果肉亦甜得到位，半熟芝士口感軟滑，帶陣陣既芒果清香，
完全岩晒我地芒果控既人呀～creamy既口感仍然揮之不去，最中意佢既半熟芝士系列～

================================

感謝chickenandpp提供以上資料

chickenandpp的網誌: http://www.openrice.com/zh/gourmet/reviews.htm?userid=51033932&city=hongkong

================================