![]()
炮台山, 屬北角區, 曾經一星期來四次, 薄扶林學店的校外課程部, 一上就上咗三年, 晚晚在此區搵食, 這店應該都已經開了六、七年... 已多年無來, 今晚有約在此, 友人選食西...西...西...餐. , 吃的也是高人一級的廚師推介.
![]()
店外招貼了一些雜誌介紹, 細看..., 是香港總商會出的《工商月刊》, 想當年讀書學英文, 此月刊都是其中一份推介, 因為有中英對照的文章, 十分好用.
![]()
TOLENTINO PINOT GRIGIO 2013, 以house wine來講, 這店也算大方得體, 這枝酒的網上價, 範圍大約在$110-$140, 比一般西餐廳所用的House Wine, 貴了百份之三、四十. Pinot Grigio..., so..., 即係Pinot Gris, 呢隻嘢應該係Pinot Noir 親戚, 未有時間了解具體情況..., 友人吹水..., 世界上只有在法國的Alsace 產區, 才會有梨味, 而且酸度略高, 重有..., 就係永不放木桶喎... 我聽到後... 吓! 咗聲..., 因為...所有網頁介紹Pinot Grigio做的酒, 都會話有"梨"味道個喎... 比佢講完....我當堂飲唔出有梨味了... 哈哈哈哈....
![]()
餐牌介紹, 名稱為: St Vaast 生蠔, 屬法國貨, 接近病態...嘜都搜尋一下既我, 立即行動, 查一查..., 正常而言, google 打地區, 應該會出現該地區的介紹, 但打"St Vaast", 竟然第一行就出現"法國聖雅斯蠔"...., 好怪異...., 如搵嘢高手, 你應該明我講咩..., 這地區肯定不是旅遊旺區, 但是否出產生蠔有名?? 則要再花時間了解..., 至於生蠔味道... 嗱.... 其中有一網頁, 咁樣樣講: "蠔裙邊緣爽口，口腔留有甘甜味。 先有海水的鹹味,味道溫和最後嚐到點甜味. .肉大爽甜，帶微微的果仁香...." 我立即放入口, yeah... 裙邊果然好爽口..., 我也嘗到海水鹹味... , good...! 至於"口腔留有甘甜味....微微果仁香.... "..., so, 太高程度了, 留翻...由高手講解..., 當然還有那伴隨的黑松露醬與生蠔的化學作用吧.... 哈哈哈..
![]()
此味.... 唔清楚是甚麼菜色, 餐牌找不到, 可能係上錯了檯..... So..., 既然上錯了..., 就將錯就錯吧... 食咗先算.... 哈哈哈哈
![]()
36個月黑毛豬片配哈蜜瓜果泥, 這碟... 單看賣相, 橙黃底色, 紅綠配搭, 已經屬於"無得輸系列" , 哈蜜瓜果蓉, 入口清爽涼快, 配上餐牌所講的36個月的黑毛豬火腿, so..., 我既程度, 當然食唔出係 Iberico 還是 Parma Ham 啦..., 聽講話..., 最好的, 還有那 Ja mon的品種喎..., 鬼佬式金華火腿.... 我真係識條鐵咩...! 我淨係知道... 哈密瓜配火腿, 又清新, 又肥腴, 直程係....趙飛燕同楊玉環的雙人舞.... 呢句係網上抄翻嚟....
![]()
兩款湯, 野菌湯或龍蝦湯, 再一次證明我絕對是香港人! 而且是地道唔好蝕底的香港人, 在野菌和龍蝦之間...., 揀龍蝦湯是常識吧! 雖然龍蝦湯無龍蝦都係常識... btw... 呢碗龍蝦湯真係有龍蝦既....哈哈哈.... , 在香港大學圖書館攪的讀書會, 聽過梁文肥韜的講座, 話說...煮龍蝦湯, 一定要放入龍蝦殻來煮才夠味 (網上可以聽翻, 其中還有講及其他的餐飲業烹調技巧), 灑了些黑椒在湯面, 增強口味, 第一啖入口, 湯身比一般的濃和杰身, 龍蝦味道十分顯著.
![]()
蒜蓉多士, 用來送湯, 可惜我手腳遲鈍了一點, 有緣千里能相會 無緣對面不相逢..., 此多士...與我無緣.... sosad....
![]()
鴨肝溫泉蛋配菠菜雜菌, 店主是老實人, 否則...好似一般西餐店, 九成九會寫"鵝肝".... , 一上檯, 已經散發出十分香的菇類味道, so..., 但係好似..., 搵唔到件菠菜喎.... 哈哈...., 攪爛隻溫泉蛋, 撈暈在那些野菌湯中, 味道又香又滑溜, 加上鴨肝的豐腴, 口感和味道都一流.
![]()
US Prime Rib-eye steak, 又到聽老師講課時間, 據某專家講解, Rib-Eye, 香港直譯為肉眼扒, 其實台灣的"肋眼扒"才算正式的直譯...., 是肋骨中間去了骨的牛扒, 美國人多只稱呼為 Rib Steak, 即無了隻眼"eye", 這部份十分柔軟, 而且有肌間脂肪, 通常帶一塊肥膏, 也算是較貴的部分, 而加多個字"Prime", 則是第六至八條肋骨之間的肉, 這部份的肉質比純Rib-eye的肉較為結實, 油脂更多, 話說...最啱用嚟燒烤...., 以上是某為專家, 睇住佢部手機..., 讀比我聽既...., 就係咁... 但望落...件扒... 好似唔係好肥啫....
![]()
唔好講咁多, 大刀一切, 以高速一拉, 切開肉心部份, 果然是最喜歡的粉紅狀態, 六成熟左右, 最緊要加點英式芥辣, 一流, 還有那底部的南瓜蓉, 味道半甜, 又未攪碎至全蓉狀態, 入口還有點咬口, 質感十分好.
![]()
最後上檯的芒果芭菲, 雪糕狀的軟度, 多些少雪芭般的口感, 微少的酸, 甜度中等, 加了一點芒果蓉焦糖, 正是天仙配.
------------------------------
剛在前晚食完晚餐, 今早收到舊同學來電, 相約於炮台山, 既然食過晚餐, 不如也來次午餐吧..., 無錯, 真係唔怕悶死人無命賠... 哈哈哈...
![]()
相約上午十一時半, 午餐時段還未到, 只有一檯客人, 這時的環境最舒適....
![]()
午市快食, so... 餐湯、多士、沙律一次過上檯...也是常識吧...,
![]()
US Rib-eye steak, vegetable and potato (black pepper sauce), 這年肉眼扒... 當然無法與晚餐的那件相比, 但也絕對交足功課, 而且份量十足, 煎得香口, 鮮嫩與否? 肉質是否"鮮"? 我程度低, 試不出, 但絕對夠"嫩"! 其實點解有人用鮮嫩來形容牛扒既呢...? 所有高級貨, 其實都要風乾收水, 點都要放翻幾十日, 重點叫鮮啫.... 哈哈...
================================
感謝oasiswong提供以上資料
oasiswong的網誌: http://www.openrice.com/zh/gourmet/reviews.htm?userid=85184&city=hongkong
================================
