呢幾日都不斷o係灣仔出現，去搞簽證呀，去蒲新潮孔雀吧呀，去行山呀，去坐叮叮呀......
行完山真係熱到癲左，最好就係食日本野啦，涼浸浸既壽司同魚生！
呢間叫家賀屋，好多好評，又近地鐵站，去完Pawn飲野就同朋友行過黎，都幾旺場，好彩有book位，唔洗等!
![]()
![]()
火炙三文魚井$75
一向對火炙既野有情意結，冰火係女人既絕招ma，火炙左既三文魚片特別滿佈油脂香氣，暖暖既，入口即溶，襯埋過簡簡單單既壽司飯，我已大滿足。不過店員溫馨提議可以加$20轉做定食，包埋沙律、茶碗蒸，超抵，因為散叫一個蒸蛋都＄18!
![]()
日式蒸蛋雖簡單但往往係我至愛，蛋蒸得好滑而且味道足，又有蟹棒、菇、日式魚蛋！
![]()
![]()
特選鮪盛$180
油脂高既魚我最岩，因為可以入口即溶！三者都係厚刺，首選當然非大吞拿魚腩莫熟，好似一件肥美既東坡肉咁，融代於口腔內！
![]()
牛油果卷物$22
好奇怪點解我會點呢個？因為呢個係外國朋友叫，好岩佢地口味，我都好鐘意牛油果，融於口中，有得選擇我會要有軟殼蟹個個，但可惜我朋友唔食！
![]()
三文魚腩壽司$10
赤貝壽司$10
再散叫左sushi，做特價，太抵了，$10蚊件！三文魚腩夠肥美又長，赤貝鮮甜爽口的，壽司飯醋味適中，早知叫多一打呀！
![]()
呢度d set百幾蚊其實在灣仔旺區黎講真係好抵，下次我要再試試！
================================
感謝lucywu提供以上資料
lucywu的網誌: http://www.openrice.com/zh/gourmet/reviews.htm?userid=162319&city=hongkong
================================
