同大學同學聚會
有人提議左呢間火山燒
既然無試過就一於去試下啦
座位舒服而且有兩個爐,甘就唔怕燒唔切會餓親
火山燒用左火山石代替一般既炭
火山石無平時用炭咁大火
甘就唔怕唔識控制火候,將食物燒得太乾
除左用火山石有特色之外,呢到既醬汁都值得一提
肉類無特別先行調味,店家主張客人自己落喜歡既調味料
除左有鹽同胡椒提供外,仲有三款醬汁: 燒汁、蜜糖汁、辣汁
店家仲好貼心,3個醬既掃係唔同顏色
甘就唔怕會分唔到邊個味打邊個味啦
配套OK之外,食物都好重要
呢到同一般放題一樣,都係用點單紙order
因為食物真係太多,我主要講講比較出色既食物
雞肉 (左)
雞肉串係我地Encore得最多既肉頖
因為肉質真係好嫩滑,而且無雪味
啖啖肉真係好正
蕃薯仔 (右)
蕃薯仔永遠都係我既最愛
一路食甘多肉,食下蕃薯仔就可以平衡下喇
金菇肥牛卷
其實金菇肥牛卷本來就真係無咩驚喜
但佢同呢到3種醬汁都好夾
肥牛本身既油脂加埋醬汁一齊燒,真係好香口
秋葵
其實我本人一向麻麻地秋葵
不過意外地身邊既同學都好鐘意
而且出面平時又真係少見,所以都推介下
牛肩肉
如果你要同一般高級既牛肉相比
甘佢當然係有d遜色
但係可以任點任食既情況下
其實我覺得收貨有餘
玉子燒
估唔到呢到既玉子燒幾出色
雞蛋好厚而且幾有蛋香,唔錯
蠔
除左肉類之外,仲有魚、蠔、青口等海鮮可供選擇
蠔都幾大塊,朋友話質素唔錯
菠蘿
食到尾聲當然要食番d生果
燒過既菠蘿會特別甜,不妨試下
牛油法包
食番d澱粉質就唔怕唔夠飽啦
抽油煙系統ok,店內唔會煙霧瀰漫
當晚我地食完個身都唔會好大浸燒烤味,唔錯
店內環境舒服,而且服務好
員工會時常經過,收碟快
而且出單都無漏單既問題
食物種類多而且品質ok
真係要挑剔既話,我會希望呢到可以提供埋甜品
如果一班人,由其是多男仔
可以帶佢地去呢到食下,滿足下佢地食肉既慾望
================================
感謝暴食小公主提供以上資料
暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
================================
火山燒
Italian Tomato Café (馬鞍山店)
海魂燒
G-fit
Hundred Party
嘉美軒精細潮州菜
白泥生態保育農莊 Natural Garden
彩晶軒 V Cuisine (荃灣分店)