京都。銀閣寺﹑平安神宮﹑八坂神社﹑清水寺 Day11

第十一天（續）

上午去既北野天滿宮﹑金閣寺位於京都西邊，下午黎到位於京都東邊既銀閣寺﹑清水寺等等地方；京都唔係好大，坐巴士好快就去到啦，首先去到銀閣寺參觀


巴士去唔到銀閣寺門口，係哲學之道對出落車，如何春天黎到哲學之道係一個好靚既地方，睇到成條路都係櫻花樹，開滿櫻花一定好靚，可惜而家唔好話花，樹葉都冇塊




同其他寺廟一樣銀閣寺對出都係有參道，食既賣既都係大同小異，我唔點買野所以唔洗理咁多，繼續向前行




比啲郵票吸引左，估唔到郵局係呢道擺檔賣野




黎到銀閣寺啦；銀閣寺原名叫「慈照寺」，因為寺中既觀音殿叫做銀閣，所以就有銀閣寺呢個名


銀閣寺比高大圍牆圍住，經過長走廊先去到售票處




好多野都唔做得bor


入埸費要￥500，好貴丫！入場劵同金閣寺一張都係張符


去過金閣寺都知金閣寺真係金色架，不過呢個銀閣寺唔係銀色囉
佢只係一座普通過唔普通既建築，唔講都唔知佢就係銀閣寺！睇完金閣寺再黎睇銀閣寺既人我相信都會覺得好失望，唉...都懶得幫佢影相


當佢係花園睇會開心啲


聽講啲沙係要黎反射陽光月亮光到室内地方




冇咩特別野好睇，順路行去出口就算










要向山上行


山上望到銀閣寺，亦都望到京都市區








好快出返去lu


等巴士去下一個目的地


係地圖上見到有個地方叫「平安神宮」，見有時間就落車睇下咩黎


未入到去都感覺到呢道好大，咩都特別大






入面係一塊好大既空地




入面再有一個叫「神苑」既地方可以比錢入去參觀，但而家呢個時間冇花睇相信入去都係一樣冇野睇，唔入去lu




唔知點解要圍住棵樹？




呢間係幾靚既神社，我冇入去神苑所以好快出返黎啦






平安神宮對出馬路有座大鳥居，大到好遠都見到，仲可以比車穿過




再次上車去到「八坂神社」落車，呢道我上次黎過唔洗睇地圖都識得行


今日掛住四圍去冇時間食午餐，終於路過便利店即刻入去求其買個包食住先


估唔到八坂神社入面都有呢啲小攤檔賣小食，岩岩食左野唔洗再食啦






呢道比銀閣寺熱鬧好多






可惜呢道都係一個賞櫻聖地，冇櫻花睇差好遠








呢頭有好多舊建築，吸引好多人黎著和服影相，和服配上舊建築又真係好襯




好多地方都有和服租，沿路行去清水寺見到好多和服美女架，哈哈


沿古街行去清水寺，兩旁建築都好靚，一路行一路慢慢欣賞，就好似置身係古代一樣；冬天遊人比起其他季節少好多，行起黎都舒服好多，唔會迫到行唔到












由商店街向上行就到清水寺




仁王門




清水寺三重塔


轟門維修中




黎到時都差唔多係清水寺關門時間，而且以前曾經入過去參觀，今次我就冇入去清水寺裡面，只係出面行下影下相，冇所謂啦唔係靚季節入到去都見唔到最靚風景




當年曾經係呢道同佢影過相，今次再係同一個位影多次


京都市




天越黎越黑，兩旁商店大部份已經關門，大家都落山向馬路方向走




去巴士站坐車返京都站，呢個站超多人！黎左好多部車都冇位上，等左四十分鐘先迫到上去京都站後門既車，早知要等咁耐去對面坐車快好多，最多搭去其他站再轉車；當時只係識得等車去京都站冇諗咁多，冇為意可以係京都食埋晚餐先走，如果去食到噴火拉麵就正啦


巴士係京都站另一邊停車，要兜過條大馬路先可以入到去火車站


京都鐵路博物館四月二十九日先開，個時仲未開架，好想去


用APPS check好下班車開車時間同月台，行落去岩岩好就有車到；呢班特急列車差唔多到尾站，大部份人已經落晒車，可以舒舒服服坐返大阪




半個鐘車程本來可以好舒服訓到返去，但前面兩個疑似香港阿叔阿嬸係道同車長嘈唔知特急列車要加特急枓金，搞完一餐最後都係要比錢...等車長走左之後兩個人繼續係道大大聲嘈，都唔知佢地想點...最衰車長mark左我個位搞到我唔好意思坐去第道


半個鐘後又返到大阪，襯仲有小小時間商場未關門去行下先




重點係黎Disney Store睇野


行返去hostel途中路過龜王拉麵，平時見佢好多人食，今次見仲有一個位決定入去試試




呢道有好特別既蕃茄拉麵，我咁鐘意食蕃茄想唔食佢都唔得啦，而佢都冇令我失望非常好食


食拉麵又點小得替玉呢，好滿足


食食下留意到一樣野，呢道有鴨仔丫 ！決定下次要再黎探鴨仔 ！


難得今晚可以早啲返去hostel，可以早訓lu


係京都玩左兩日，都算去左好多地方，補返上次去京都時想去但唔夠時間去既地方；京都有好多吸引人既野，我仲有唔少地方想去架，貴船﹑渡月橋等等都仲未有時間去，希望下次到京都時可以繼續玩多啲唔同地方啦