5 吃軟飯的日子

羅家飯近來煮嘅餸菜會比較軟淋，皆因車爸爸美化緊佢棚靚牙，暫時唔係好食到硬嘅，嘢要過一輪吃軟飯的日子，好似這天就整一個魚香茄子，好餸飯之餘又惹味又軟淋，啱曬小寶寶食用呀！haha~

加多個清炒津白，又甜又淋又好吃！

另一天就蒸魚同埋麻醬秋葵，呢條叫做星立，魚販話係刺身級嘅立魚，蒸出嚟真係鮮甜到不得了，十分十分好食呀。

秋葵我哋最喜歡加麻醬食，有益又好味。

另一天車爸爸話要食生菜魚肉湯，老公出到聲要食即刻去街市買左兩條鯪魚，自己打鯪魚肉，煲埋鮮魚濃湯，當然吃得車爸爸十分滿意啦。

再蒸多隻肥美白切雞，又一餐美味的羅家飯了！！

第二天將吃淨嘅白切雞加入大白菜，令他返生成為另一道正菜！

見到街市呢條油斑幾靚仔，就買來蒸給他爸爸吃啦，果然肉嫩鮮甜。

而大白菜吸收了鮮雞嘅香味，變得份外好吃的。

飯後仲有偽樹記嘅白果腐竹糖水，聽聞深水埗嘅樹記已經搬咗去大埔，我就係深水埗嘅偽樹記買咗D腐竹返嚟，可惜煲起腐竹香氣真的不夠！

某一天清麗村姑送了我一朵鮮銀耳和一朵鮮舞茸。

鮮舞茸聞落菌香十足，而且超清潔乾身。

還是第一次接觸新鮮嘅銀耳，聞落去略帶有菊花香氣十分清香。

今餐用上喺車婆婆度食淨取回家的炆雞腳腩肉蓮藕，這些菜隔夜更加好吃喔！

而那兩朵鮮銀耳及鮮舞茸，我用上大蝦來蒜蓉炒，得到車爸爸激讚好味道呢！

這天車爸爸想食粥喎！OK即刻去買靚魚煲啖粥啦，這天買了立魚。

我又怕淨係魚會好掛寡，跟住又買咗啲沙白落去煲粥，令粥底更加鮮甜好吃。

嘩那口粥真係甜得太過份了！充滿了海鮮嘅味道超好吃。

我去試食的日子包了點韮菜餃同河粉比車爸爸食，滑嘟嘟牙痛也可吃得舒適！

這天滾了魚片芫荽皮蛋湯比車爸爸下火。

辣麵豉蒸小黃花魚，骨較多但肉嫩香滑好鮮甜架。

淋菜選擇不多，大白菜又出場了！

這夜輪到瓜粒肉碎湯飯，和煎釀二寶！

瓜粒肉碎湯飯好清甜，真係無牙都吃到啦haha~

煎釀二寶用上茄子和豆腐，煎好後打個蠔油獻，簡單好吃的家常菜。

這天專登整話梅鮮茄給車爸爸吃，事關佢在心齋試過後十分喜歡！

用話梅汁浸上兩天後最為入味，我的出品能嫓美菜館架haha~

蒸水蛋用上竹絲雞蛋來蒸，蛋味挺香的聽聞好補身呢！

是日靚魚清蒸火點，又係超鮮甜，魚肉紮實，海魚確係好味道。

這夜係車爸爸＆車車的生日飯Yeah~車車16歲了掌聲鼓勵，車爸爸幾多歲就交比你哋估喇hehe~

前菜蒜蓉芝士焗原個茄子，這款茄子鮮甜多汁，十分好吃喔。

無花果藍莓帶子沙律伴柚子芥辣沙律醬，鮮果加帶子刺身很合拍，清爽好味道。

主菜澳洲西冷牛扒配香煎大虎蝦，例牌之作可幸車爸爸甚為欣賞。

而我就吃豬鞍扒配香煎大虎蝦，豬鞍扒夠淋，大虎蝦彈牙鮮甜，我自己也很滿意呢！

壓軸出場係兩位壽星的生日蛋糕，祝我的至愛倆生日快樂，身體健康，我愛您們一億年呀^0^