最近睇IG,見到一間觀塘既CAFÉ好hit
我甘為食,就當然要去試一試啦
呢間HOW CAFÉ第一個賣點就係空間超大
係寸金尺土既香港,一間舒服又大既CAFÉ,確實係幾難得
第二就係佢除左有野食有野飲,仲有野賣
店主將成間店分左3個部分
餐龐、OFFICE、同埋商店
係呢到,你可以搵到D好得意既家居擺設同埋傢俱
唔只甘,連衫同埋護膚品都有
真係一間SHOP,就可以滿足你3個願望
豆腐沙律
我地當日係Lunch時間上去
每個set lunch都會包一個前菜,可以揀湯/沙律
我地2個都要沙律
菜夠新鮮,加埋滑溜豆腐同芝麻醬
都冇咩野可以挑剔
香草忌廉汁配香茸煎鱸魚意大利粉 $98
鱸魚魚皮煎得香脆,魚肉都幾滑
不過就有少少油膩
忌廉汁其實唔太食到有咩香草味
反而最大問題係個意粉
意粉無用欖油撈左先,所以好乾,好難先整散到
雖然唔係話好難食,但都有d失望
香草海鮮炒扁意大利麵 $98
如果岩先果個係少少失望
呢個炒意粉就係超級失望
一見到碟野食,我地就已經覺得中左伏
仲要係個好大既伏
正係望個樣就已經覺得dry
而且完全唔覺得個意粉係有炒過
另外海鮮質素亦都唔靚
但甘都要等左成15分鐘以上
質素比大家X更加不如
熱朱古力 / 荔枝梳打
跟餐仲會送埋野飲
雖然岩先兩個主食都好失望
但呢杯熱朱古力而真係不得不讚
朱古力味道濃郁,但又唔會過甜
絕對唔係用d劣質可可粉沖成
雖然飲完好有罪惡感,不過有機會我會想飲多次
而荔枝梳打就正正常常,好處係唔太甜
其實呢對真係好舒服
我地係果到hea左成個下午
店員既態度又好,人又唔多
同朋友坐下傾下計真係一流
順便又可以睇下d好靚既精品,家品
但食物質素真係有待改善
建議大家上去坐下,飲杯野會比較穩陣
================================
感謝暴食小公主提供以上資料
暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
================================