0

上海新大眾大閘蟹專門店 $68元食6隻大閘蟹

MMKEITH 於 2016-10-18 23:59:14 發表  |  累積瀏覽 473

分類:其他 其他 餐廳 其他 飲品美食 ;地區:黃大仙

是次消費:每人平均約HK$ 68.00


食後評價$68元食6隻大閘蟹一個字平靚正,仲有汽水任飲去邊到揾,仲有蟹粥,再凍d食絕對暖胃,粥幾綿啊,不過無料咸咸地,糯米飯就太黏身,蟹膏方面當然不會爆膏,屬超細蟹size,蟹總結9成新鮮肉質鮮甜,蟹膏香滑,白膏完全唔覺有?,不過蟹毛係屬啡黑色既(不過提一提係各大廣告播放有繩既蟹68元係唔會見到既,當然合情合理,如有既我諗會日日黎?)只有原價唔知係咩價錢先係,因為現場有幾台原價既,有d都係水草,(有台係藍白繩????應該係好味的??)係今時今日有68元6隻煮好既大閘蟹仲有汽水飲一個字,推薦啦,不過我食開金毛大size既蟹,所以下次還是訂台,舒服d試下哩間原價任食好了,68元試過就留下機會比其他人了?????

下面係長篇个紹

見咁多網友个紹,m小姐同k先生 都去試一下,貪今日星期一又掛3号風球中,試下排每分店首20位$68元75分鐘任食大閘蟹,4點10分去到排,都排頭10位內!點知排了一陣先知道原來轉哂黃大仙分店做哩個優惠價,所以係每日有100個名額,統一5點派籌,當然今日5點既時間都沒有100位,據我估計呢,做法係5點派完⋯⋯唔夠人數都會cut龍,晚點再到既人唔會繼續派籌比你,要食正價,姐係點都5點記住拎完籌先好行開,因為張籌都有自選時間,當然餐廳唔大,先排就先選時間,如果係其他地區去既,當然乖乖排隊吧,否則食唔到第一場6點都要再等耐d,始終附近比較荒蕪,要揾時間hea下都比較難,咁平時假日或陽光普照的時間係要幾點開始排真係估唔到,職員話好天氣2點都有人排隊啦,派得哂100張籌,但係如果係街坊就可以每日5點行過去睇下有無位先囉????

6點入座後職員重複又重複地說規矩,食68元任食係有規矩,首先禁止追蟹,同20分鐘前last order,其實唔洗諗住食快d,可追加幾round,因為呢他們已經用上蟹時間限制了你們的數量,無論快慢,最多只會比到3round你既,即快手係食到$68@每人6隻,何解,張order紙係寫住每次每人2隻,蒸蟹時間20分鐘(其實只是手法而已,蟹絕不是即叫即蒸),我們入坐後第一round蟹06:17上枱,坐係到等17分鐘先有得食,但係正價坐低就有一盆蟹,跟手我們算係最快手食完round1既,之後一直乖乖等上蟹,等到06:45左右就上蟹,但係都係全部人一齊上,無論你頭先幾點比張order紙佢,我們最早比當時等足超過20分鐘,其他人就等了幾分鐘,5分鐘之後我們比最後一張order佢,因為已準備last order,初時唔肯收,我話唔收20分鐘後都埋單啦,跟手又全場一齊收,但奇怪既係今次唔夠5分鐘就全部人到埋第3round,姐係得番唔夠15分鐘又突然要食哂幾隻蟹,7:15分丁丁丁,老闆叫人起身啦,食唔哂他話明晚再黎過啦,其實如果都預比人食6隻就早d黎(可能預4隻都唔定,但肯定唔係預8隻),好過前面成30分鐘係無野做,這樣子叫人食一半就走仲浪費,我見大部分人都無人食得完,我同k先生都叫做剛剛好時間,仲有幾隻腳指未食囉?????好彩他無收大家每兩浪費食物100元咋,因為牆上仲有這張告示牌????

#68蚊大閘蟹放題 #上海新大眾大閘蟹專門店 #大閘蟹 #太湖
#2016大閘蟹小姐 #大閘蟹放題 #持有動物衛生証書 #食得安心 #ig #igers #igdaily #igblogger #blogger #hk #foodiary #foodblogger #foodblog #foodpic #相機先食 #相機食先 #美食達人 #美食分享

想關注M小姐K先生生活動態

please like page

鐘意SeeWide的分享,給我們一個Like吧!
  • 攻略日期:N/A
    攻略地點:黃大仙
  • 攻略時間:1-3小時
    是次消費:每人平均約HK$ 68.00
0人比"掂"

最多能輸入300字

累積瀏覽 62086

全部攻略 109

全部回應 74