0

簡易電飯煲煮法-粒粒黃金~大閘蟹炒飯-附食譜

絲房菜 於 2013-10-16 00:00:00 發表  |  累積瀏覽 725

分類:粥粉麵飯



我娘家很喜歡食炒飯,因為前一晚吃剩了的白飯第二天用來炒飯就最好吃的了。不過今次介紹的炒蟹飯並不是一般用熟米飯去炒,而是用生米炒完之後放落電飯煲煮(唔係掛?咁都可以?無錯~咁都得,仲要好好味~)。這個方法的由來當然是由於煮飯婆都會有懶惰的時候.....不過我也是有樣學樣,跟我爸爸學的~爸爸教落晚飯最少三餸一湯(白飯任裝),但人都有大腦便秘的時候...天天新款...72變都變完啦,於是有時一星期或者兩星期煮一餐煲飯,慳水慳力又好味=)



這個煮法可以有很多種變法,而因為我弄大閘蟹宴,搞搞新意思,炒大閘蟹飯,色香味都十分好。於是....家人朋友眾多....夫家煮一次,娘家煮一次..朋友煮一次...最少都要煮3次...








今年又來了,因為太多人只看相都流口水的關係,於是簡單的介紹如何煮這個蟹飯吧。








今次的份量是2人份。

材料很簡單,
大閘蟹兩隻斬件(約四兩隻)
紅燒豬肉一罐
洋蔥一顆 切粒
芫茜 2蚊 切段
蔥 兩蚊 切段
紅蔥頭  2顆切片
薑 切片
米酒
米 兩杯半用水洗淨
(其實最好買埋長蒜,不過那天見沒有就以蔥化替)
鹽/生抽 適量 (如味道足夠可以不用下)

以下是煮法,大家看圖啦~不詳講~



1. 準備鑊落油爆香紅蔥頭,薑及洋蔥。之後落紅燒豬肉連汁及生米炒勻,落米酒再兜勻後熄火,試味,不夠味就落鹽或生抽調味。
2. 下蟹件兜勻,令大閘蟹的膏可以充分和配料及生米混合。
3. 之後全部倒落電飯煲,搖一搖個鍋令煲米平均分布,以及將大件的蟹件放在表面,米才容易煮熟,煮時蟹膏亦較容易滲入飯粒內。
4. 煲飯的水大約蓋過生米的表面就可以了。如果炒時太乾不夠水就可以加少少水再炒勻及試味。
5. 之後電飯煲蓋蓋上,襟制。佢煮熟了跳制上來後,隔一會兒再襟一次制。第二次跳上來才開蓋看看完全熟未。未熟再襟多次制。如果米太生或太乾可以沿邊加少少水再襟制煲過。也可以開蓋兜鬆一次後,再蓋上蓋再禁制煮過。



 

6. 熟左,落蔥粒及芫西炒勻個飯。你會見蟹膏會包住D飯粒。煲飯果時已經好香.....







7.搞掂~~~

我同老公兩個人一坐低已經食曬成煲飯。每人兩碗都唔係喉....不過因為仲有大閘蟹要擦,所以份量真係剛剛好~~我唔中鐘意飲花雕酒,飲紅酒一樣咁襯~~~


見到老公吃得滋味,做老婆的都覺得十分幸福。


感謝 絲房菜 提供以上資料
絲房菜 的個人日誌: www.siciwonderwall.blogspot.hk/

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 602850

全部攻略 520

全部回應 111