同朋友去慶祝生日
甘當然要搵間體面D既餐廳啦
見到有BLOGGER share呢間燒肉
話全程都唔駛自己動手
服務好似幾好,所以就同朋友去果到慶生喇
餐廳位唔算多,所以要食就記得訂位喇
裝修帶少少中國風
雖然呢到係食燒肉,但店內唔會油立立甘
店內提供兩款調味
一個係檸汁,一個係帶少少中藥味既燒汁
店員燒好之後都會提你用邊個汁配搭食物,好貼心架
蟹膏帶子剌身 $78/2件
店主推介話呢個係必試
甘岩朋友又好中意食帶子,所以試下
帶子肉厚新鮮,就甘食其實已經好甜
再加埋蟹膏獨有既鮮甜味
就鮮上加鮮,特別得黎又好食
椒鹽霜降松板豬 $79
豬肉既脂肪好似雪花甘平均分布
就甘睇個樣都覺得唔錯
店員幫手燒到乾身微焦
豬肉食落爽脆,似食緊豬頸肉
椒鹽唔會太鹽,但又balance左個豬既肥膩,唔錯
一口雞翼 $69
唔知點解同bbq一樣
食串燒或者燒肉果時都會想食雞翼
一口雞翼即係單骨雞翼,食既時候方便好多
店員燒得好好,雞皮既油被熱力迫哂出黎
所以食落又香又脆但唔會好肥
本來以為雞翼冇咩調味,味道會好淡
但食落又唔會wor,而且冇雪味
應該本身貨源唔錯,所以大家唔駛擔心
烤肉醬牛胸脊(牛工花) $79
腌醬有少少似韓式既味道,帶少少甜味
牛胸脊切得幾薄,所以店員兩面燒一燒就食得
牛肉唔會韌,食落有少少爽
雖然有腌料但都食到牛味,而且唔會太肥
本身以為一碟唔夠食,但其實2個人份量係岩岩好
再多d就會覺得膩
辣味五花肉 $79
五花肉多肥肉,所以店家用左辣醬去調味,幾聰明
燒豬肉要熟d同時間長d
呢個時候有人幫手燒,對我呢d冇咩耐性既人黎講真係好正
味道唔錯,不過五花肉肥瘦比例唔太平均,肥肉少d會更好
山藥 $59
食左甘多肉,都要食d蔬菜既
燒過既准山表面會脆脆地,食落爽口
雖然味道淡少少,但呢個時候個燒汁就可以派上用場喇
日式飯糰 $45
我覺得燒飯糰係好玩多過好食
雖然飯焦味係好香,但食落好硬
我個人就覺得一般般
蒿麥冷麵 $49
成晚食左甘多熱氣野,食番個冷麵係正既
不過冷麵同個汁都好普通
唔會覺得難食,但同時都冇咩驚喜
整晚食物唔錯,而且服務週到
全晚我地兩個都冇動手燒過任何野,可以專心傾計
而且呢到唔係用明火既爐
所以相對油煙比較少,而且無甘熱
對於懶人黎講,呢到真係一個唔錯既地方
================================
感謝暴食小公主提供以上資料
暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
================================