悠閒的星期日，同家人去飲茶，試下新野，幫襯左樂天漁港。
環境唔算好大，簡約的白色牆身，掛有水晶燈，用上白燈的光線，好光猛，但不夠柔和，中午時段，好快有位呀。
水仙，色澤好綠，浸左好耐先出味。
茶壺咀崩左，見個痕跡似係崩左好耐，要注意呀。
點心及小菜上算多選擇。
叉雞飯，叉燒偏瘦，冇乜肥膏唔夠香口，味道普通，白切雞，肉質滑，味道正常水準。
蔘湯蝦餃皇(3粒)，特別的點心，人蔘湯味濃郁，蝦夠鮮味，都不俗呀。
蔥花炸兩腸，腸粉好滑，油炸鬼香脆，好味呀。
醬皇蒸鳳爪，好入味，正常水準。
流沙奶皇包。
奶黃餡太少，味道普通。
鮮蝦雲勝餃(3粒)，好大件，有勝瓜、雲耳及鮮蝦作餡料，感覺比較健康。
順德煎魚餅，味道香口。
食物正常水準，環境普通，可能新開同位置比較偏遠，唔係好多人幫襯，呢餐大約$200內，都算幾抵食呀。
大埔汀角路29-35號榮暉花園地舖
