本來有想過 hashtag #jensonbb 好不好用到2016就算呢? 雖然他已經是小男生～但在每個父母眼中，自己的bb永遠都是長不大的bb～所以再三思還是好好保存這個hashtag，到了某個時候，大家就不會再有太多機會看到他的正面相片嚕。
不要覺得很失望，哈哈～大家還是會見到我的！（當然總有一天會因為年紀大而不好意思再自拍了….）新一年還未趕及寫一篇回顧，看看日曆才知道原來又六號，不知不覺又長大了一個月。時間不等人呀！錯過了就錯過了…………..正如之前所講，歲半開始真是超級無敵瘋狂的大踴進，神一般都學習速度！jen仔亦已經開始了「認聲蟲」的階段，任何詞語都會跟住我們說了，全部親戚稱呼都可以～媽媽papa麻麻爺爺e媽e婆auntie uncle哥哥姐姐弟弟妹妹舅父表叔表妹表弟姑婆姑姐舅母等等等；三個字最清楚兼一日講n次的就係「麥當勞」，發音非常準確；突然認到紅黃橙綠藍紫粉紅色講到英文。見到麥記招牌也會non stop講麥當勞麥當勞麥當勞、見到巴士會non stop講巴士巴士巴士巴士、見到小巴叫小巴、見到的士叫的士，但暫時見到巴士情緒就最高漲既。
還是瘋狂的喜歡食，雖然未可以完完整整自己畢晒黎食，但已經掌握得不錯嚕～總之乜都食的小朋友就最易湊；雖然都係慢熱，但無之前咁怕羞啦，有鄰居朋友的小朋友一樣大，玩左幾次就熟絡左仲成日叫住人地個名、會同人分享、唔會打人、唔會還手、唔再係自己坐埋一邊玩；樣樣都聽得明，而家的可愛度都爆燈～因為講野好攪笑，有時撒下嬌、一日爸爸媽媽到暈、kiss完會講so sweet（佢讀成so fit咁…），er………..理性爸爸晚晚放工返黎我都聽到佢細細聲講：小朋友真係好得意…
大個仔夜晚訓得幾好喇，一黎因為同床，二黎希望真係歲半戒左夜奶，臨訓飲九安都捱到9-12個鐘喇，不過朝早一起身就勁肚餓狂chur麥皮黎食又話：「媽媽，開奶～」呢個月夾雜左沒有工人的兩星期，原來都仲頂得住喎，係少左啲私人時間啦~woohoo anyway 工人姐姐明晚回港，我終於唔駛抹地洗碗清廁所抹玻璃煮飯買餸，可以抖下留返啲時間講故事親子時間：)
949 total views, 8 views today
=========================
感謝 小知 提供以上資料
小知的網誌: http://siuchi.hk/
=========================
