Day 5 Dog Seld Traditional 雪狗拉車 / 第三晚看北極光

早上起床第一件事係看看外面天氣   

 

之後就坐的士去市中心... 想去吃的餐廳都沒有開門   地上都很厚雪，看圖就明白什麼叫寸步難行   

 


  好爽... 第一次踏咁厚雪  

  在這裡可以看到黃刀全景    


 
 


  可是當日好大風，要影相都唔易，因為風吹到面上會好痛 我地真係頂唔順太大風.... 又超凍.... 盡快影完相就走人  

 


  這幾天都是在這裡醫肚，變成我地既飯堂  

 


 


  之後就返酒店，今日參加了雪狗拉車 我地又係在酒店大堂等車 pick up 我地住在 explorer hotel，lobby 會展示當晚氣溫  

  去到會場就係先要簽紙，簡單一句，責任自負 我地係兩人一架車，所以大會先安排我地先出發 一開始係好好玩.... 狗仔拉住你不停跑 有個職員會開電單車監督的   我坐在位內，吳生在後面站立的 中場大家再換位 不過坐了一會... 不得了，風好大，我地食晒所有風 雖然我地做好防風但風吹在面如刀割 (其實我地準備了飛虎隧既帽，整個面都可以包住，但也頂不住呀) 我由抬頭看風景到要低下頭保護自己 當時想起電影極地雪犬博士受傷，由男主角企在後面放佢回營地 之後男主角手腳都凍傷了 我只好大趕叫吳生要低頭，千萬不要凍傷   中場交換位時間，職員仲幫我地影相... 不過我地就快變成雪人

  總之我就好希望快些玩完，再拉再吹風我都驚凍死 玩完之後，整個面都紅了 原來不止我一個，見到所有人的面像爆血管般紅 **由於知道好凍，每次活動前都會在面上塗上凡事林，因為可以保護防止凍傷**   玩完之後再坐車回酒店，今晚係第三晚看光 梳洗後就趕快入睡，起床第一件事 rom service！ 吃完之後就等車來 pick up 看北極光 今晚唔再追光，跟了另一團看光     車來到時，車上已經有很多人了，佢地係住其他酒店的 我地既酒店係尾站 接完我地就開車去目的地 車上好嘈，我估大家都好興奮 突然聽到尖叫聲... 之後大家哇哇哇 原來在路上已經有極光了 我地個位聽唔到呀，攪到我都好緊張，因為聽到對方話好靚   到步了... 一下車就見到天上吊住一條光 到現在想起，都唔係太實在 吳生見到半空吊住一團綠光，而這團光又會有少少搖晃 吳生即同我講.... 好妖異呀.....！  

  到步之後，領隊完全沒有指示大家要點 佢自己一個人走入一間屋仔 大家見到半空的光都各自影相 我跟領隊走入屋仔，見佢開爐煮湯 我問他，我們到了？現在係點安排？ 佢話你地可以四圍行同影相 總之我同吳生都唔滿意，根本佢自己掛住煮湯 又冇理大家... 算！外面有光住我地   我即時 set 好相機，準備要影光，團友見我set相機，他就在我前面set機 我請對方移開一點，佢好似聽唔到，完全冇理會我    

 

  於是我又要走向再前位置set好相機 誰知又有一些人在我前面set機.... 真的火了 於是我一直行呀行，行到好遠了... 今次不再有人再站我前面了  

 




  我不停影不停影.... 奇怪好寧靜了，回頭一看，整個雪地只餘我同吳生 其他人回屋仔了















   這屋仔就係給我們休息的地方 我感到好凍.... 真的要回屋仔休息  



 
我覺得這個地方影光好靚，可能有屋仔都關係








  回到屋仔好多人，大家都在玩手機 我企近暖爐位置先取暖 飲杯熱茶整個人都舒服多了


  我是來看光的，休息一會又再出去了 好爽呀.... 其他人都懶得出來 原來有好多人都沒有準備相機，佢地想用手機影，但手機根本影不到呢 這一個晚上十分攪笑，吳生叫我留意有兩個男子，他兩每隔十分鐘就會拿出鏡子 之後就自拍....  拍完又好似好滿意的樣子 真的不到十分鐘又拿出鏡子，整晚重覆這個動作 另有一些手就是在上網 我跟吳生說，那麼難得來到黃刀，今晚又遇上大爆發 為何相機都沒準備呢？ 不過每人要求不同，我不理人了，我還是好好享受這個晚上





  後來有人手機沒電，有人趁機問可不可以早點離開 只有我地兩個唔想走.... 唉.... 什麼團來的？！   說好了幾點回程，我就盡最後努力再影相，這個晚上真的影了很多相片呢，我好滿足！ 每次入屋仔時，我準備了cashmere圍巾將相機包住，相機唔會拎入屋收起的 因為一冷一熱會結冰的 屋仔前面係湖，整個湖都結了很厚的冰，我地係企在冰湖上睇光的   準備走了，我去取回相機入屋，收好相機準備要回酒店！ 當大家離開屋仔準備上車時，天空上突然再度大爆發 相機已收好了，根本趕不及再拿出來，而且入屋仔時已結冰了 不過這個大爆發也不錯，我地係可以手拖手看住所有變化，除下綠色也繳成紅色 大家又再哇哇叫..... 回到酒店很難平伏心情，趕快在電腦上看看今晚照片   這次旅程我們真的很幸運呢！            

感謝 Florence 提供以上資料

Florence的網誌 http://florencewing.blogspot.hk/