2月25(星期六)~朝早9點幾起左身..慢hea
諗住hea夠..下午先出去食野+買餸返屋企煮西餐
10點幾..小奧line我地~問下午有無節目? 佢地去荃灣睇野
可以一齊飲下午茶~我同老闆諗..可能夜晚都會一齊食飯
+開局都未定喎(哈哈)~反正無特別節目..佢地又過開黎ma
OK呀! 又黎即興友聚~14:15約係千色店等..之後去食野
原本老闆話去意粉屋~我話佢地有心黎荃灣..咁多選擇
唔好去同一間~問問baby笠..去New York Diner好唔好?
有次食過都唔錯~佢地話好就一齊行過去~去到阿笠話請食tea
因為上次開局..屈左小奧+老闆偷錢(隔左一日先發現怪錯好人..哈哈)
所以話要請佢地食野陪罪~咁我就漁人得利呢(多謝笠笠)
2個set lunch(包有餐湯, 主菜, 餐飲)~個湯好鹹..要換過2碗
![]()
"海鮮扁意粉"
上次又係食意粉類~依然整得唔錯
![]()
"海鮮墨汁意大利飯"
個飯有生米..唔夠熟~整體味道可以..海鮮料唔太多
![]()
2個Tea Set.."黑松露炸薯條配炸雞翼"
雞翼鹹左少少..但好香脆~薯條外脆內粉糯
![]()
"辣肉腸pizza"
批底有d似pita bread..微脆又軟綿綿口感
辣肉腸唔過鹹..整體配搭幾清新
![]()
餐飲..咖啡(x3) & 熱檸水(x1)
![]()
咖啡都夠香濃..好飲
整體係意大利飯+餐湯..比較差~其他都ok
![]()
差不多4點先食完~之後一齊買餸..攞埋淘寶d貨
就返屋企lu~攪掂晒所有野..快啦! 又開局(哈哈)
![]()
下午食完tea飽住去買餸~baby笠話食d簡易快既晚餐
老闆話食"餃子鍋"(因為知baby笠+小奧鐘意食餃子..又夠簡單)
如果唔係..老闆想買料打邊爐架~不過會少左時間玩囉
玩到差不多8點就收局~我同笠入廚房準備"餃子鍋"
雲吞(x12)..水餃(x12)..魚皮餃(x6)
![]()
灼一半..留d再慢慢灼食
![]()
炸魚皮(x2)
![]()
"蝦肉腐皮卷"..baby笠負責煎~我就預備其他野
![]()
前一日同老闆係屋企食火鍋~剩左"唐萵菜"..所以灼埋佢
![]()
另外..再買一斤"春菜苗"~爽脆有濃菜味
![]()
下午我地買燈膽~baby笠同小奧..過隔離齋舖
買既"芋頭角(x2) +咸水角(x2)"
![]()
"齋滷味(2款)"
![]()
食完..快快手洗埋碗~又準備開局(哈哈)
依晚每人輪打莊(20舖)~因為轉左個盅..搖得太平均
真係好難捉到路~大家都有大上大落~小奧落注仲大膽左
我成日同阿笠講..唔好比小奧痴老闆咁埋~教壞佢呀(哈哈)
玩到11點..小奧突然話走啦! (都好..唔想阻佢地聽日返教會ma)
返到屋企報埋平安~傾下傾下..過左12點~終於知道
小奧點解趕住走~因為笠生日..趕住返去比驚喜佢呢
好啦! 見埋今次..要等我地去完旅行返黎先再見啦^^
![]()
============================================
感謝 Yanomi 提供以上資料
Yanomi的網誌: http://yanomichung.blogspot.hk//
============================================
[ 今日講咩 ]
