自己精華‧自己調@Kiehl's醫學專研量膚配方

歡迎黎到Kiehl's Apothecary Preparations 「醫學專研量膚配方」。

我地今日要一對一調配專屬自己既面部精華。

以藥房起家，有165年豐富藥劑學知識既Kiehl's，為顧客度身訂製草本及自然療法，以人手製造個人化配方，全新推出醫學專研量膚配方，幫助客人更了解自己護膚問題同需要，一對一調配專屬自己既面部精華。

第一步：診斷

由Kiehl's顧客服務代表引領顧客通過「膚質診斷圖集 (Skin Atlas)」討論並了解自身肌膚既需要。呢本「膚質診斷圖集 (Skin Atlas)」有多國語言，係全球Kiehl's通用架，簡直就係一本肌膚問題既天書呀。

第二步：個人化

了解左自身肌膚既需要，當然就要著手調配針對肌膚需要既配方啦：）

Yandy比較在意既係膚色同紋理，配合黃色同紫色呢兩款濃縮精華，加入強化肌底原液，即時試下精華既質感。

感覺清爽輕薄又唔笠，肌膚一下子就吸收，非常合心。

顧客服務代表仲會即時製作標籤同紀錄，有哂姓名、度身訂製既配方同使用方法，成個過程就好似睇完皮膚科醫生再配藥咁XD

由強化肌底原液加上兩枝自己專屬既濃縮精華組成既「醫學專研量膚配方」(售價：HK$830)

強化肌底原液由35%濃度既優質橄欖油同 20%肌膚脂質複合物組成，有鞏固、保濕同保護肌膚既功效。

紫色既係去皺修護，黃色就係亮白抗氧既功效。

份量已經調較好，只要直接將兩枝專屬既濃縮精華加入強化肌底原液，輕力搖勻就用得啦。

混合後既精華由透明變到淡黃色。

係爽膚水之後用，可配合自己既面霜產品都無問題。

精華油既質地清爽輕薄又唔笠，肌膚一下子就吸收，好喜歡用後肌膚軟綿綿的，帶有柔柔光澤感。

用左一個星期已經見到肌膚變得更加明亮通透，膚質平滑左唔少，特別係我好在意眉心同額頭既表情紋，真係淡左唔少呢：）

「醫學專研量膚配方」係17間Kiehl's 專門店同專櫃都有啦！

快D去了解自己護膚問題同需要，一對一調配專屬自己既面部精華，對症下藥正確處理、改善在意既肌膚問題啦！

「產品及有關資料由品牌提供」